చైన్నై సూపర్ కింగ్స్ జట్టుపై కేసు నమోదు.. ఆరోపణలు నిజమైతే!
ఇండియన్ ప్రీమియర్ లీగ్ లో భాగంగా మే20న అరుణ్ జైట్లీ స్టేడియం వేదికగా ఢిల్లీ క్యాపిటల్స్ తో చైన్నై సూపర్ కింగ్స్ అమీతుమీ తేల్చుకోనుంది. ఈ మ్యాచులో విజయం సాధిస్తేనే సీఎస్కే నేరుగా ఫ్లేఆఫ్స్ కి చేరుకుంటుంది. అయితే ఈ మ్యాచ్ కు ముందు చైన్నై జట్టు చిక్కుల్లో పడింది. సీఎస్కే మెనెజ్‌మెంట్ ఐపీఎల్ టికెట్ల అమ్మకాల విషయంలో అక్రమాలకు పాల్పడినట్లు ఆరోపణలను ఎదుర్కొంటుంది. చైన్నైకి చెందిన ఓ అడ్వకేట్ బుధవారం ఈ వ్యవహారంపై కోర్టులో కేసును దాఖలు చేశాడు. చైన్నై సూపర్ కింగ్స్ జట్టు, బీసీసీఐ, తమిళనాడు క్రికెట్ అసోసియేషన్ లకు వ్యతిరేకంగా ఆయన సివిల్ కోర్టులో ఫిటిషిన్ వేశారు.
ఐపీఎల్ టికెట్ల వ్యవహారంపై కోర్టులో పిటిషన్
సీఎస్కే తమ హోం గ్రౌండ్ చెపాక్ లో ఐపీఎల్ టికెట్లను తమిళనాడు క్రికెట్ అసోసియేషన్ బ్లాక్ లో విక్రయించిందని ఆరోపణలు వినిపించాయి. చైన్నై సూపర్ కింగ్స్ జట్టు, బీసీసీఐ, తమిళనాడు క్రికెట్ అసోసియేషన్లకు వ్యతిరేకంగా సివిల్ కోర్టులో ఫిటిషిన్ దాఖలైంది. ఇప్పటివరకూ సీఎస్కే తమ హోం గ్రౌండ్ చెపాక్ లో ఏడు మ్యాచ్ లను ఆడగా.. ఆ మ్యాచ్ లకు సంబంధించిన టికెట్లను తమిళనాడు క్రికెట్ అసోసియేషన్ బ్లాక్ విక్రయించిందని ఆరోపణలు వినిపించాయి. ఈ వ్యవహారంపై అశోక్ చక్రవర్తి అనే అడ్వకేట్ కేసును ఫైల్ చేశారు. ఐపీఎల్ టికెట్ల అమ్మకాలలో అక్రమాలు జరిగాయని, అందుకే తాను సివిల్ కోర్టులో కేసు వేశానని అశోక్ చక్రవర్తి తన ఫేస్ బుక్ లో చేశాడు.
