Shoriful Islam History: 140 ఏళ్ల తర్వాత అరుదైన రికార్డు.. ఆస్ట్రేలియాపై చరిత్ర సృష్టించిన బంగ్లా పేసర్!
ఈ వార్తాకథనం ఏంటి
ఆస్ట్రేలియాతో జరిగిన రెండో టెస్టులో బంగ్లాదేశ్ ఘోర పరాజయాన్ని చవిచూసింది. తొలి ఇన్నింగ్స్లో కేవలం 34 ఓవర్లలో 64 పరుగులకే కుప్పకూలిన బంగ్లా జట్టు.. రెండో ఇన్నింగ్స్లోనూ 38.3 ఓవర్లలో 95 పరుగులకే ఆలౌటైంది. దీంతో ఆస్ట్రేలియా ఇన్నింగ్స్ 51పరుగుల తేడాతో ఘన విజయం సాధించింది. ఆసీస్ తొలి ఇన్నింగ్స్లో 210 పరుగులకు ఆలౌటైంది. అయితే బంగ్లాదేశ్ బ్యాటర్లు రెండు ఇన్నింగ్స్ల్లోనూ విఫలమవడంతో మ్యాచ్ పూర్తిగా ఆస్ట్రేలియా చేతుల్లోకి వెళ్లింది. ఈ విజయంతో రెండు మ్యాచ్ల టెస్టు సిరీస్ను ఆస్ట్రేలియా 1-1తో సమం చేసింది. తొలి టెస్టులో బంగ్లాదేశ్ సంచలన విజయం సాధించిన విషయం తెలిసిందే. బంగ్లాదేశ్ ఓడిపోయినప్పటికీ.. ఆ జట్టు స్టార్ పేసర్ షరీఫుల్ ఇస్లాం మాత్రం అరుదైన రికార్డు సృష్టించాడు.
వివరాలు
7 వికెట్లు పడగొట్టి రికార్డు
మాకే వేదికగా జరిగిన ఈ టెస్టులో 15 ఓవర్లు బౌలింగ్ చేసిన షరీఫుల్.. కేవలం 48 పరుగులు ఇచ్చి ఏకంగా 7 వికెట్లు పడగొట్టాడు.
ఈ అద్భుత ప్రదర్శనతో ఆస్ట్రేలియాపై టెస్టు మ్యాచ్లో ఒక ఇన్నింగ్స్లో ఏడు వికెట్లు తీసిన తొలి లెఫ్ట్ ఆర్మ్ పేసర్గా షరీఫుల్ ఇస్లాం చరిత్ర సృష్టించాడు.
అంతేకాదు.. ఆస్ట్రేలియాతో టెస్టు మ్యాచ్లో లెఫ్ట్ ఆర్మ్ పేసర్ ఒక ఇన్నింగ్స్లో ఏడు వికెట్లు తీయడం 140 ఏళ్ల తర్వాత ఇదే తొలిసారి.
వివరాలు
అరుదైన జాబితాలోకి చోటు
చివరిసారిగా 1886లో ఇంగ్లండ్కు చెందిన డిక్ బార్లో ఈ ఘనత సాధించాడు. మాంచెస్టర్ వేదికగా జరిగిన టెస్టులో బార్లో 44 పరుగులిచ్చి 7 వికెట్లు పడగొట్టాడు.
ఆ తర్వాత ఇన్నేళ్లలో ఆస్ట్రేలియాపై ఒక ఇన్నింగ్స్లో ఏడు వికెట్లు తీసిన లెఫ్ట్ ఆర్మ్ పేసర్ ఎవరూ లేరు.
ఇప్పుడు షరీఫుల్ ఇస్లాం ఆ అరుదైన జాబితాలో చోటు సంపాదించాడు.