Ajinkya Rahane: 300వ టి20లో రహానేకు చేదు అనుభవం.. 22వ డకౌట్ నమోదు
ఈ వార్తాకథనం ఏంటి
ఐపీఎల్ 2026 సీజన్లో మ్యాచ్ 25లో కోల్కతా నైట్ రైడర్స్ (KKR) కెప్టెన్ అజింక్య రహానే నిరాశపరిచాడు. గుజరాత్ టైటాన్స్ (GT)తో జరుగుతున్న మ్యాచ్లో రహానే తొలి బంతికే డకౌట్గా వెనుదిరిగాడు. ఈ మ్యాచ్ అహ్మదాబాద్లోని నరేంద్ర మోదీ స్టేడియంలో శుక్రవారం జరుగుతోంది. మ్యాచ్ ప్రారంభంలోనే, తొలి ఓవర్లోనే రహానే అవుట్ అయ్యాడు. గుజరాత్ టైటాన్స్ పేసర్ మహమ్మద్ సిరాజ్ వేసిన బంతి ఆఫ్ స్టంప్ బయట ఫుల్ లెంగ్త్గా వచ్చి స్వల్పంగా స్వింగ్ అయింది. దాన్ని భారీ షాట్గా ఆడే ప్రయత్నంలో రహానే పూర్తిగా టైమింగ్ మిస్ చేశాడు. బంతి గాల్లోకి ఎగరగా లాంగ్-ఆన్లో కగిసో రబాడా క్యాచ్ అందుకొని రహానేకి షాకిచ్చాడు.
వివరాలు
300వ టీ20లో చేదు అనుభవం..
ఇది రహానేకు 300వ టి20 మ్యాచ్ కావడం విశేషం. మొత్తం 300 టి20 మ్యాచ్ల్లో (283 ఇన్నింగ్స్లు) ఆయనకు ఇది 22వ డకౌట్గా నమోదైంది. ఇప్పటివరకు ఆయన 7,785 పరుగులు చేశారు. సగటు 30.52గా ఉంది. ఇందులో 55 హాఫ్ సెంచరీలు, 2 సెంచరీలు ఉన్నాయి. ఇక ఐపీఎల్ విషయానికి వస్తే, 204 మ్యాచ్ల్లో (189 ఇన్నింగ్స్లు) రహానే 5,184 పరుగులు చేశారు. సగటు 30.49గా ఉండగా, స్ట్రైక్ రేట్ 125.58గా నమోదైంది. ఐపీఎల్లోనే ఆయన 22 టి20 డకౌట్లలో 14 డకౌట్లు వచ్చాయి.