Anshul Kamboj: ఇంకో బుమ్రా రెడీ..! అశ్విన్ రివీల్ చేసిన కొత్త పేస్ సెన్సేషన్ ఇతనే!
ఈ వార్తాకథనం ఏంటి
భారత స్టార్ ఆఫ్ స్పిన్నర్ రవిచంద్రన్ అశ్విన్ ఎప్పుడూ తన చురుకైన విశ్లేషణలతో ముచ్చటిస్తారు. తాజాగా హర్యానాకు చెందిన యువ పేసర్ అన్షుల్ కంబోజ్‌పై ఆయన వేసిన కామెంట్లు క్రికెట్ వర్గాల్లో చర్చనీయాంశంగా మారాయి. అశ్విన్, అన్షుల్‌ను జస్‌ప్రీత్ బుమ్రా, జహీర్ ఖాన్ లాంటి దిగ్గజాలతో పోల్చడం ఇప్పుడు హాట్ టాపిక్ అయింది. ఈ పోలిక వెనుక అశ్విన్ కారణాలేంటో ఓసారి పరిశీలిద్దాం.
Details
ఎవరు ఈ అన్షుల్ కంబోజ్?
హర్యానా తరఫున ఆడే ఈ యువ బౌలర్ ఇటీవల దేశవాళీ టోర్నీల్లో గట్టిగా మెరిశాడు. ముఖ్యంగా కేరళతో జరిగిన రంజీ మ్యాచ్‌లో ఒకే ఇన్నింగ్స్‌లో 10 వికెట్లు తీసి రికార్డు సృష్టించాడు. దేశ రంజీ చరిత్రలో ఈ ఘనత సాధించిన మూడో బౌలర్‌గా నిలిచాడు. అదే సీజన్‌లో విజయ్ హజారే ట్రోఫీలో హర్యానా విజయంలో కీలక పాత్ర పోషించాడు. అతని బౌలింగ్‌కు ఉన్న ఎక్స్‌ట్రా బౌన్స్, స్టెమినా, అలాగే బ్యాటింగ్‌లో కూడా సేవలు అందించగల ఆల్‌రౌండ్ క్వాలిటీ, అతడిని ప్రత్యేకంగా నిలబెడుతున్నాయి.
Details
1. విభిన్నమైన బౌలింగ్ యాక్షన్
జస్‌ప్రీత్ బుమ్రా బౌలింగ్ యాక్షన్ ఎంత ప్రత్యేకమో తెలిసిందే. అది బ్యాట్స్‌మెన్‌ను కన్‌ఫ్యూజ్ చేస్తుంది. అన్షుల్ యాక్షన్ కూడా కొంతవరకూ యూనిక్‌గానే ఉండి, బంతికి అదనపు బౌన్స్ ఇవ్వగల సామర్థ్యం ఉంది. 2. రెండు వైపులా స్వింగ్‌ చేసే నైపుణ్యం జహీర్ ఖాన్ స్పెషాలిటీ - కొత్త బంతితో ఇన్స్వింగ్, అవుట్‌స్వింగ్. అన్షుల్ కూడా ఈ నైపుణ్యాన్ని బాగా ప్రదర్శిస్తున్నాడు. ఇంగ్లాండ్ వంటి దేశాల్లో ఇది మరింత ఉపయోగపడుతుంది. 3. డెత్ ఓవర్లలో ప్రభావవంతంగా బౌలింగ్ బుమ్రా డెత్ ఓవర్ల స్పెషలిస్ట్. అన్షుల్ కూడా క్లోస్ మ్యాచుల్లో బ్రేక్‌థ్రూ తీసే సామర్థ్యం చూపించాడు. ఇది మరో బుమ్రా లక్షణాన్ని గుర్తు చేస్తోంది.
Details
4. ఎత్తు వల్ల అదనపు బౌన్స్
అన్షుల్ 6 అడుగులు 2 అంగుళాల ఎత్తుతో ఉంటాడు. ఇది అతన్ని బౌన్స్ జెనరేట్ చేయడంలో సహాయపడుతుంది. జహీర్ ఖాన్ కూడా ఇదే లక్షణంతో ప్రభావం చూపించేవాడు. 5. నిలకడైన ఫార్మ్ కేవలం ఒక మ్యాచ్ కాకుండా, అన్షుల్ దేశవాళీ క్రికెట్‌లో కంటిన్యూగా మంచి ప్రదర్శన చూపిస్తున్నాడు. ఈ స్థిరత, బుమ్రా-జహీర్‌లు తమ ఆరంభ కాలంలో చూపిన దానిని గుర్తుచేస్తోంది. ఇంగ్లాండ్‌తో జరుగుతున్న టెస్టు సిరీస్‌లో అన్షుల్ బ్యాకప్ బౌలర్‌గా ఎంపికవడమే అతడి ప్రతిభకు నిదర్శనం. అశ్విన్ వంటి సీనియర్ ఆటగాడు ఈ యువ పేసర్‌పై ఉంచిన నమ్మకం అతనికి ఆత్మవిశ్వాసాన్ని ఇవ్వనుంది. ఇప్పుడు చూస్తే, భారత క్రికెట్‌కు ఒక భవిష్యత్తు ఫాస్ట్ బౌలర్‌గా అన్షుల్ ఎదగగలడన్న సంకేతాలు కనిపిస్తున్నాయి.