బీసీసీఐ సెలక్షన్ కమిటీ హెడ్ పోస్టుకు దరఖాస్తులు.. అర్హతలివే!
ఈ వార్తాకథనం ఏంటి
టెస్టు, వన్డే, టీ20 మ్యాచులకు జాతీయ జట్టును ఎంపిక చేసే పురుషుల టీమిండియా జట్టు సెలక్షన్ హెడ్ కమిటీ పోస్టు కోసం భారత క్రికెట్ నియంత్రణ మండలి జూన్ 2న దరఖాస్తులను అహ్వానించింది.
ఈ నోటీసును బీసీసీఐ తన అధికారిక వెబ్‌సైట్‌లో పోస్టు చేసింది. ఇందులో బీసీసీఐ సెలక్షన్ కమిటీ హెడ్ పోస్టు కోసం ఉద్యోగ వివరాలను అందించింది. సెలక్షన్ కమిటీలో ఒక సభ్యుడు మాత్రమే అవసరమని బోర్డు స్పష్టంగా పేర్కొంది.
బీసీసీఐ సెలక్షన్ కమిటీ హెడ్ పోస్టు కోసం దరఖాస్తులను జూన్ 30, 2023న సాయంత్రం 6 గంటల లోపు సమర్పించాలని వెల్లడించింది. సెలక్షన్ కమిటీ హెడ్ పోస్టు కోసం బాధ్యతలను, విధులను కింది విధంగా బీసీసీఐ పేర్కొంది.
Details
సెలక్షన్ కమిటీ హెడ్ పోస్టుకు నిబంధనలు ఇవే
ఉత్తమమైన జట్టును ఎంపిక చేయడం, అవసరమైనప్పుడు జాతీయ సమావేశాలకు హాజరుకావడం, అదే విధంగా దేశీయ, అంతర్జాతీయ మ్యాచులను చూడటానికి ప్రయణించాల్సి ఉంటుంది.
జట్టు ఎంపికపై బీసీసీఐ, మీడియాను ఉద్ధేశించి ప్రసంగించడం, టెస్టు, వన్డే, టీ20 ఫార్మాట్లో జట్టు కెప్టెన్‌ను నియమించే బాధ్యత సెలక్షన్ కమిటీ హెడ్ పై ఉంటుంది. ముఖ్యంగా బీసీసీఐ నియమాలు, నిబంధనలకు కట్టుబడి ఉండాలి.
బీసీసీఐ సెలక్షన్ కమిటీ హెడ్ పోస్టుకు దరఖాస్తు చేసుకోవాలంటే కనీసం 7 టెస్టు మ్యాచులు లేదా 30 ఫస్ట్ క్లాస్ మ్యాచులు లేదా 10 వన్డే ఇంటర్నేషనల్స్ మ్యాచులు అడిన అనుభవం ఉండాలి.