సిక్స్ ప్యాక్ లుక్‌లో వావ్ అనిపిస్తున్న అర్జున్ టెండూల్కర్.. ఇన్‌స్టా పిక్ వైరల్
టీమిండియా దిగ్గజం సచిన్ టెండూల్కర్ కుమారుడు అర్జున్ టెండుల్కర్ కొత్త లుక్ తో అందరిని అశ్చర్యపరుస్తున్నాడు. ఇటీవల ఐపీఎల్‌లో ముంబై ఇండియన్స్ తరుపున నాలుగు మ్యాచులు ఆడి మూడు వికెట్లు తీశాడు. ప్రస్తుతం సౌత్ జోన్ తరుపున దేవదర్ ట్రోఫీ ఆడుతున్నాడు. తాజాగా అర్జున్ బాడీ ఫిట్ నెస్ పై ఫోకస్ పెట్టాడు. దీని కోసం జిమ్ లో కసరత్తులను చేస్తున్నాడు. ప్రస్తుతం అర్జున్ టెండుల్కర్ చొక్కా లేకుండా సిక్స్ ప్యాక్ ఫోటోను 'మిర్రర్ సెల్ఫీ' గా ఇన్‌స్టా లో పోస్టు చేశాడు. దీంతో ఈ పిక్ సోషల్ మీడియాలో వైరల్‌గా మారింది.
సీనియర్ల అడుగుజాడల్లో నడుస్తున్న అర్జున్ టెండుల్కర్
ఈ మధ్య బెంగుళూరు నేషనల్ క్రికెట్ అకాడమీలో 20 రోజుల క్యాంపులో పాల్గొన్న విషయం తెలిసిందే. అయితే గోవా తరుపున అర్జున్ ఫస్ట్ క్లాస్ క్రికెట్ అడుతున్నాడు. గతంలో భారత స్టార్ క్రికెటర్లు విరాట్ కోహ్లీ, కేఎల్ రాహుల్, శుభ్‌మన్ గిల్ కూడా సిక్స్ ప్యాక్ ఫోటోలను సోషల్ మీడియాలో పోస్టు చేశారు. అర్జున్ కూడా వారి అడుగుజాడల్లో నడుస్తున్నాడని అభిమానులు కామెంట్లు పెడుతున్నారు.
