Arshadeep Singh: మరో 2 వికెట్లే దూరం.. సూపర్ రికార్డుకు చేరువలో అర్షదీప్ సింగ్
ఈ వార్తాకథనం ఏంటి
టీమిండియా యువ ఫాస్ట్‌బౌలర్ అర్ష్‌దీప్ సింగ్, టీ20ల్లో ఒక గొప్ప రికార్డుకు అతి చేరువలో ఉన్నాడు.
అతను మరో రెండు వికెట్లు తీసుకుంటే, భారత బౌలర్లలో టీ20 ఫార్మాట్‌లో అత్యధిక వికెట్లు సాధించిన బౌలర్‌గా రికార్డుకెక్కనున్నాడు.
జనవరి 22 నుంచి ఇంగ్లాండ్‌తో ప్రారంభమయ్యే ఐదు మ్యాచ్‌ల సిరీస్‌లో అర్ష్‌దీప్ ఈ రికార్డును సాధించే అవకాశాలు ఎక్కువగా కనిపిస్తున్నాయి.
ప్రస్తుతానికి టీ20లో అత్యధిక వికెట్లు సాధించిన భారత బౌలర్‌గా స్పిన్నర్ యుజ్వేంద్ర చాహల్ (96 వికెట్లు, 80 మ్యాచ్‌లు) టాప్‌లో ఉన్నాడు.
Details
రేపటి నుంచి టీ20 సిరీస్ ప్రారంభం
అర్ష్‌దీప్ సింగ్ (95 వికెట్లు, 60 మ్యాచ్‌లు) రెండో స్థానంలో ఉన్నాడు.
ఈ సిరీస్‌లో అర్ష్‌దీప్ ఐదు వికెట్లు పడగొడితే, టీ20లో 100 వికెట్లు సాధించిన తొలి భారత బౌలర్‌గా చరిత్ర సృష్టించనుంది.
గతేడాది జరిగిన టీ20 ప్రపంచకప్‌లో భారత్‌ విజయంలో కీలకపాత్ర పోషించిన అర్ష్‌దీప్, 8 మ్యాచ్‌లలో 17 వికెట్లు సాధించాడు.
ప్రస్తుతం ఇంగ్లాండ్‌తో జరిగే టీ20, వన్డే సిరీస్ కోసం ఎంపికైన అర్ష్‌దీప్, ఫిబ్రవరి 19 నుంచి ప్రారంభం కానున్న ఛాంపియన్స్‌ ట్రోఫీ జట్టులో కూడా చోటు సంపాదించాడు.
Details
టీ20లో అత్యధిక వికెట్లు తీసిన భారత బౌలర్లు
యుజ్వేంద్ర చాహల్ - 96 వికెట్లు (80 మ్యాచ్‌లు)
అర్ష్‌దీప్ సింగ్ - 95 వికెట్లు (60 మ్యాచ్‌లు)
భువనేశ్వర్ కుమార్ - 90 వికెట్లు (87 మ్యాచ్‌లు)
జస్‌ప్రీత్ బుమ్రా - 90 వికెట్లు (70 మ్యాచ్‌లు)
హార్దిక్ పాండ్య - 89 వికెట్లు (109 మ్యాచ్‌లు)