LOADING...
Ashes Series: రెండో టెస్టుకు కమిన్స్ దూరం… కెప్టెన్‌గా స్మిత్‌కు మరో అవకాశం!
రెండో టెస్టుకు కమిన్స్ దూరం… కెప్టెన్‌గా స్మిత్‌కు మరో అవకాశం!

Ashes Series: రెండో టెస్టుకు కమిన్స్ దూరం… కెప్టెన్‌గా స్మిత్‌కు మరో అవకాశం!

వ్రాసిన వారు Jayachandra Akuri
Nov 28, 2025
05:38 pm

ఈ వార్తాకథనం ఏంటి

యాషెస్ సిరీస్‌లో అదిరే ప్రదర్శన చూపిన ఆస్ట్రేలియా, రెండో టెస్టులోనూ విజయంపై దృష్టి పెట్టింది. పెర్త్ టెస్టులో ఇంగ్లండ్‌ను రెండో రోజే మట్టికరిపించిన ఆసీస్, బ్రిస్బేన్‌లోనూ అదే ఉత్సాహంతో బరిలోకి దిగనుంది. సిరీస్‌లో 1-0ఆధిక్యంలో ఉన్న ఆస్ట్రేలియా, గాయాల కారణంగా స్టార్ పేసర్లను కోల్పోనుంది. కెప్టెన్ పాట్ కమిన్స్, పేసర్ జోష్ హేజిల్‌వుడ్ ఇంకా ఫిట్‌నెస్ సాధించలేదని క్రికెట్ ఆస్ట్రేలియా శుక్రవారం తెలిపింది. అందువల్ల తొలి టెస్టు స్క్వాడ్‌తోనే కంగారూ జట్టు రెండో మ్యాచ్ ఆడనుంది. పెర్త్ టెస్టులో కెప్టెన్ కమిన్స్, హేజిల్‌వుడ్ లేకుండానే మిచెల్ స్టార్క్, బొలాండ్‌లు అద్భుతంగా బౌలింగ్ చేశారు. 205 పరుగుల ఛేదనలో ట్రావిస్ హెడ్ శతకంతో ఇంగ్లండ్‌ను రెండో రోజే ముగించడంతో ఆసీస్ ఘన విజయాన్ని సాధించింది.

Details

గబ్బాలో రెండో టెస్టు డిసెంబర్ 3న ప్రారంభం

ఇదే ఉత్సాహంతో బ్రిస్బేన్ టెస్టులో జట్టు పటిష్టంగా ప్రదర్శన చూపనుంది. కానీ రెండో టెస్టు వరకూ కమిన్స్, హేజిల్‌వుడ్‌లు ఫిట్‌గా లేరు. స్టీవ్ స్మిత్ సారథ్యంగా జట్టును నడిపిస్తారు. తొలి మ్యాచ్‌లో వెన్నునొప్పితో ఇబ్బందిపడిన ఓపెనర్ ఉస్మాన్ ఖవాజా కూడా స్క్వాడ్‌లో ఉంటాడు. ఫిట్ కానఇప్పటికీ, కమిన్స్ జట్టుతోనే ఉండి ప్రాక్టీస్‌ను కొనసాగించనున్నాడు. డిసెంబర్ 3 నుంచి ఆస్ట్రేలియా-ఇంగ్లండ్ మధ్య బ్రిస్బేన్ గబ్బాలో రెండో టెస్టు ప్రారంభం కానుంది.

Details

ఆస్ట్రేలియా స్క్వాడ్ ఇదే

స్టీవ్ స్మిత్(కెప్టెన్), ట్రావిస్ హెడ్, స్కాట్ బొలాండ్, అలెక్స్ క్యారీ, బ్రెండన్ డొగెటే, కామెరూన్ గ్రీన్ జోష్ ఇంగ్లిస్, ఉస్మాన్ ఖవాజా, మార్నస్ లబూషేన్, నాథన్ లియాన్, మైఖేల్ నాసిర్, మిచెల్ స్టార్క్, జేక్ వెదర్‌లాండ్, బ్యూ వెబ్‌స్టర్.

Advertisement