ICC: నిబంధనల్లో మార్పు.. ఐసీసీ వైడ్ బంతులపై కీలక నిర్ణయం?
ఈ వార్తాకథనం ఏంటి
ఇప్పటివరకు బ్యాటర్లకు మాత్రమే కొంత ప్రయోజనకరంగా ఉన్న వైడ్ బంతి నిబంధనల్లో ఐసీసీ మార్పులు చేయాలని నిర్ణయించింది. బౌలర్లకు కూడా బెనిఫిట్ ఇవ్వడం కోసం ఈ మార్పులు జరుగుతున్నాయని ఐసీసీ క్రికెట్ కమిటీ సభ్యుడు, మాజీ క్రికెటర్ షాన్ పొలాక్ తెలిపారు. ప్రస్తుతం ఉన్న నిబంధనల వల్ల బౌలర్లకు తీవ్ర ఇబ్బందులు ఎదురవుతున్నాయని ఆయన పేర్కొన్నారు. వన్డేలు, టీ20ల్లో బౌలర్లు అంపైర్లకు సమస్యలు ఏర్పడుతున్నాయని ఆయన వ్యాఖ్యానించారు. బ్యాటర్లు క్రీజ్‌లో సులభంగా మార్పులు చేయడంతో బౌలర్లకు గోల్‌పోస్ట్‌ మార్చే పరిస్థితులు ఏర్పడుతున్నాయి. దీనిపై అంపైర్లు మరింత దృష్టి పెట్టాలని పొలాక్ సూచించారు.
Details
బౌలర్లకు ప్రయోజనం కలిగేలా మార్పులు
'ప్రస్తుతం ఐసీసీ క్రికెట్ కమిటీ సభ్యుడిగా తాను ఈ అంశంపై పని చేస్తున్నానని, బ్యాటర్లతోపాటు బౌలర్లకు కూడా ప్రయోజనం కలిగేలా మార్పులు చేస్తామన్నారు. ప్రస్తుతం ఉన్న రూల్స్ చాలా కఠినంగా ఉన్నాయని, ఒక బ్యాటర్ చివరి నిమిషంలో క్రీజ్‌ను వదిలితే, బౌలర్ బంతిని బాగా వేయలేరని ఆయన వివరించారు. ఈ మార్పుల ద్వారా బౌలర్లకు మరింత మద్దతు అందించాలన్న ఉద్దేశ్యంతో పరిశీలన కొనసాగుతోంది. ప్రత్యేకంగా బౌలర్ బంతి వేయటానికి ముందు ఆ స్థానం కేవలం క్రీజ్‌లో ఉన్న బ్యాటర్ వద్ద నుంచే నిర్ణయం తీసుకోవాలని ఆలోచన జరుగుతున్నట్లు పొలాక్ తెలిపారు.
Details
డబ్ల్యూటీసీ ఫైనల్‌పై స్పందించిన పోలాక్
ఇక డబ్ల్యూటీసీ ఫైనల్‌లో దక్షిణాఫ్రికా జట్టు మొదటిసారి ఆడనుంది. జూన్‌లో లార్డ్స్ వేదికగా ఆస్ట్రేలియాతో తలపడనుంది. దీనిపై పొలాక్ స్పందించారు. 'డబ్ల్యూటీసీ ఫైనల్‌ లో దక్షిణాఫ్రికా జట్టును ఫేవరెట్‌గా చూడడం లేదని, కానీ క్రికెట్‌లో ఏం జరుగుతుందో మనం ఊహించలేమన్నారు. మన జట్టు ప్రత్యర్థిని ఒత్తిడికి గురి చేస్తే ఫలితాలు సానుకూలంగా ఉండొచ్చని ఆయన పేర్కొన్నారు.