12 పరుగుల తేడాతో చైన్నై విజయం
ఈ వార్తాకథనం ఏంటి
ఇండియన్ ప్రీమియర్ లీగ్‌లో భాగంగా సోమవారం చైన్నై సూపర్ కింగ్స్, లక్నోసూపర్ జెయింట్స్ మధ్య మ్యాచ్ జరిగింది. ఈ మ్యాచ్‌లో తొలుత టాస్ గెలిచిన లక్నో.. బౌలింగ్ ఎంచుకుంది. మొదట బ్యాటింగ్ చేసిన సీఎస్కే 20 ఓవర్లలో 7 వికెట్ల నష్టానికి 216 పరుగులు చేసింది. లక్నో 20 ఓవర్లలో 7 వికెట్ల నష్టానికి 205 పరుగులు చేసి పరాజయం పాలైంది. సీఎస్కే‌కి ఓపెనర్లు రుతురాజ్ గైక్వాడ్, కాన్వే కలసి లక్నో బౌలర్లలపై బౌండరీల వర్షం కురిపించారు. రుతుర్వాజ్ 31 బంతుల్లో (3 ఫోర్లు, 4 సిక్సర్లు) 57 పరుగులు చేశాడు. కాన్వే 29 బంతుల్లో ( 5ఫోర్లు, 2 సిక్సర్లు) 47 పరుగులు చేశాడు.
మొయిన్ అలీ
రాణించిన మొయిన్ అలీ
వీరిద్దరూ మొదటి వికెట్‌కు 110 పరుగులు జోడించారు. లక్నో బౌలర్లలో రవి బిషోని మూడు వికెట్లు, మార్క్ వుడ్ రెండు వికెట్లు, అవేష్ ఖాన్ ఒక వికెట్ తీశారు. ముఖ్యంగా మెయిన్ ఆలీ 4 వికెట్ల చెలరేగడంతో లక్నో ఆశలు అవిరయ్యాయి. లక్ష్య చేధనకు బరిలోకి దిగిన లక్నోకు శుభారంభం లభించింది. ఓపెనర్ మేయర్స్ సీఎస్కే బౌలర్లకు చుక్కలు చూపించాడు. కేవలం 22 బంతుల్లో (2 సిక్సర్లు, 8 ఫోర్లు) 53 పరుగులు చేశాడు. స్టోయినిస్ (21), నికోలస్ పూరన్ 32 పరుగులతో ఫర్వాలేదనిపించినా.. మిగతా బ్యాటర్లు విఫలమయ్యారు. ఒకానొక దశలో లక్నోకు గెలుపు అశలు చిగురించగా.. మొయిన్‌అలీ తన స్పిన్ మాయజలంలో లక్నో బ్యాటర్ల నడ్డి విరిచాడు.