Preity Zinta: రూ.18 కోట్ల లోన్ వార్తలపై క్లారిటీ.. మరోసారి ఘాటుగా స్పందించిన ప్రీతి జింటా
ఈ వార్తాకథనం ఏంటి
ఎప్పుడూ సోషల్ మీడియాలో యాక్టివ్గా ఉండే నటి ప్రీతి జింటా తాజాగా ఫేక్ న్యూస్, పెయిడ్ పీఆర్పై ఘాటుగా స్పందించారు. తనపై ప్రచారమవుతున్న తప్పుడు వార్తలపై స్పష్టత ఇస్తూ, ముఖ్యంగా రూ.18 కోట్లు అప్పు తీసుకున్నాననే వార్త పూర్తిగా అసత్యమని తేల్చి చెప్పారు. X (formerly Twitter) వేదికగా అభిమానులతో ముచ్చటించిన ఆమె ఈ విషయాన్ని ప్రస్తావించారు. నేను రూ.18 కోట్ల లోన్ తీసుకుని, తిరిగి చెల్లించడం లేదనే వార్తలను కొందరు సృష్టించారు. అవగాహన లేకుండా ఒకరు రాయగా, మరికొందరు దానిని కాపీ చేశారు. అది దావాగ్నిలా వ్యాపించింది. అది అబద్ధమని ఎన్నిసార్లు చెప్పినా ఇప్పటికీ కొందరు అదే ప్రశ్నిస్తున్నారని ఆమె పేర్కొన్నారు.
వివరాలు
ఫోన్ ఉన్న ప్రతి ఒక్కరూ ఫోటోగ్రాఫర్ అయిపోయారు
ఇక పెయిడ్ మీడియా, పీఆర్ వ్యవస్థలపై కూడా ఆమె అసంతృప్తి వ్యక్తం చేశారు. "నేను పెయిడ్ మీడియా, పీఆర్ కొనడానికి ఇష్టపడను. సోషల్ మీడియా వల్ల నాకు నచ్చిన విషయం ప్రజలతో నేరుగా కనెక్ట్ అయ్యే అవకాశం. ఇప్పుడు ఫోన్ ఉన్న ప్రతి ఒక్కరూ ఫోటోగ్రాఫర్లుగా మారిపోయారు. అలాగే పెద్ద సెలబ్రిటీలు కూడా ఫాలోవర్లు, లైకులు కొనడం మొదలుపెట్టారు. ఇది చాలా మందికి వ్యాపారంగా మారిందంటూ వ్యాఖ్యానించారు. సోషల్ మీడియా ద్వారా పాజిటివిటీ ఎంత వేగంగా వ్యాపిస్తుందో, నెగెటివిటీ కూడా అదే వేగంతో వ్యాపిస్తుందని ఆమె హెచ్చరించారు.
వివరాలు
నిజానిజాలు తెలుసుకోవాలి
ఫేక్ న్యూస్ విషయంలో సెలబ్రిటీలే కాదు, సాధారణ ప్రజలూ జాగ్రత్తగా ఉండాలని, ఏ వార్తనైనా నమ్మే ముందు నిజానిజాలు తెలుసుకోవాలని సూచించారు. సెలబ్రిటీగా తన ప్రైవసీని కాపాడుకుంటూనే, అభిమానులతో అనుబంధాన్ని కొనసాగించడం ఒక సమతుల్య ప్రక్రియ అని ఆమె వివరించారు. అభిమానుల ప్రేమకు కృతజ్ఞతతో ఉండటం కూడా తన బాధ్యతగా భావిస్తున్నట్లు చెప్పారు.