MS Dhoni: యువ క్రికెటర్ కు లిఫ్ట్ ఇచ్చిన ధోని (Video)
టీమిండియా మాజీ కెప్టెన్ మహేంద్ర సింగ్ ఇంటర్నేషనల్ క్రికెట్ నుంచి రిటైరై మూడేళ్ల అవుతున్నా ఇసుమంత క్రేజ్ కూడా తగ్గడం లేదు. క్రికెట్ లోనే కాకుండా వ్యక్తిత్వం విషయంలోనూ ధోనిని చాలా మంది ఇష్టపడతారు. ఈ మధ్యే అమెరికాకు వెళ్లి అక్కడ యూఎస్ ఓపెన్ చూడటంతో పాటు మాజీ అధ్యక్షుడు ట్రంప్ తో కలిసి గోల్ఫ్ ఆడిన విషయం తెలిసిందే. ప్రస్తుతం రాంచీలో ఓ యువ క్రికెటర్ కు ఎంఎస్ ధోని తన బైక్ పై లిఫ్ట్ ఇచ్చి మరోసారి అభిమానుల హృదయాలను గెలుచుకున్నాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ధోని బైక్ ఎక్కిన ఆ యువ క్రికెటర్ ఆనందానికి అవధులు లేకుండా పోయాయి.