Dhruv Jurel: ధ్రువ్ జ్యూరెల్ అధ్బుత రికార్డు..1000 పరుగులు పూర్తి
ఈ వార్తాకథనం ఏంటి
ఐపీఎల్లో రాజస్థాన్ రాయల్స్ యువ వికెట్కీపర్-బ్యాటర్ ధ్రువ్ జ్యూరెల్ మరో కీలక మైలురాయిని చేరుకున్నాడు. తన ఐపీఎల్ కెరీర్లో 1000 పరుగుల మార్క్ను దాటాడు. ఢిల్లీ క్యాపిటల్స్తో ఆదివారం అరుణ్ జైట్లీ స్టేడియంలో జరిగిన ఐపీఎల్ 2026 మ్యాచ్లో ఈ ఘనత సాధించాడు. ఈ మ్యాచ్లో రాజస్థాన్ తరఫున అత్యధిక స్కోరు చేసిన బ్యాటర్గా జ్యూరెల్ నిలిచాడు. 40 బంతుల్లో 53 పరుగులు చేసి జట్టుకు కీలక ఇన్నింగ్స్ ఆడాడు. అతని ఇన్నింగ్స్లో ఐదు ఫోర్లు, రెండు సిక్సర్లు ఉన్నాయి. నిర్ణీత 20 ఓవర్లలో రాజస్థాన్ రాయల్స్ 8 వికెట్ల నష్టానికి 193 పరుగులు చేసింది.
వివరాలు
ఐపీఎల్లో 1000 పరుగుల మైలురాయి..
మొత్తం ఐపీఎల్ కెరీర్లో ఇప్పటివరకు ధ్రువ్ జ్యూరెల్ 1,047 పరుగులు సాధించాడు. టోర్నీలో అతని సగటు 29.91గా ఉండగా, స్ట్రైక్రేట్ 153.07గా ఉంది. ఈ సీజన్లో రాజస్థాన్ రాయల్స్ తరఫున అత్యధిక పరుగులు చేసిన ఆటగాళ్లలో రెండో స్థానంలో ఉన్నాడు. ఇప్పటివరకు 12 మ్యాచ్ల్లో నాలుగు హాఫ్ సెంచరీలతో కలిపి 365 పరుగులు చేశాడు. ఈ సీజన్లో అతని సగటు 33.36 కాగా, స్ట్రైక్రేట్ 151.65గా నమోదైంది. ఇదే సమయంలో జ్యూరెల్ తన ఐపీఎల్ కెరీర్లో ఎనిమిదో హాఫ్ సెంచరీ నమోదు చేశాడు. వాటిలో నాలుగు ఈ సీజన్లోనే రావడం విశేషం.
వివరాలు
ఇన్నింగ్స్ సాగిందిలా...
ఢిల్లీ క్యాపిటల్స్తో జరిగిన మ్యాచ్లో రెండో ఓవర్లోనే క్రీజులోకి వచ్చిన జ్యూరెల్ రెండు కీలక భాగస్వామ్యాలు నెలకొల్పాడు. మొదట వైభవ్ సూర్యవంశితో కలిసి 70 పరుగుల భాగస్వామ్యం నిర్మించాడు. ఈ జోడీ ఎనిమిదో ఓవర్లో విడిపోయింది. అనంతరం కెప్టెన్ రియాన్ పరాగ్తో కలిసి మరో 72 పరుగుల భాగస్వామ్యం నెలకొల్పి జట్టును బలమైన స్థితికి తీసుకెళ్లాడు. పరాగ్ ఔటయ్యే సమయానికి రాజస్థాన్ స్కోరు 2 వికెట్లకు 161 పరుగులుగా ఉంది. అయితే ఆ తర్వాత రాజస్థాన్ వరుసగా వికెట్లు కోల్పోయింది. మరో ఎండ్లో వికెట్లు పడుతున్నా జ్యూరెల్ మాత్రం ధైర్యంగా నిలబడి ఇన్నింగ్స్ను ముందుకు నడిపించాడు. చివరకు 20వ ఓవర్లో అతను ఔటయ్యాడు.