వెస్టిండీస్ వర్సెస్ టీమిండియా: మూడో వన్డేలో టీమ్ కూర్పుపై ద్రావిడ్ కీలక వ్యాఖ్యలు
ఈ వార్తాకథనం ఏంటి
వెస్టిండీస్‌తో రెండో వన్డేలో స్టార్ ప్లేయర్లు రోహిత్ శర్మ, విరాట్ కోహ్లీ రిజర్వ్ బెంచ్‌లో కూర్చున్నారు. హెడ్ కోచ్ రాహుల్ ద్రావిడ్, కెప్టెన్ రోహిత్ శర్మ చేసిన ప్రయోగం విఫలమైంది.
ఈ నేపథ్యంలో టీమిండియా జట్టు ఎంపికలో రూపొందించిన వ్యూహాన్ని ఆయన వివరించారు.
జులై 30, ఆదివారం కరీబియన్ గడ్డలోని బార్బడోస్‌ పరిధి కెన్సింగ్టన్ ఓవల్‌లో వెస్టిండీస్‌తో జరిగిన రెండో వన్డేలో భారత్ చిత్తుగా ఓటమిపాలైంది. దీంతో సిరీస్‌లో తొలి మ్యాచ్ భారత్ గెలవగా, రెండోది ఆతిథ్య జట్టు గెలిచింది.
ఇక సిరీస్ ఎవరిదో తేల్చేందుకు కీలకమైన మూడో వన్డేలో భారత జట్టు టీమ్ కూర్పుపై టీమ్ మేనేజ్ మెంట్ ఏం నిర్ణయం తీసుకోనుందని క్రికెట్ ఫ్యాన్స్ ఉత్కంఠగా ఎదురు చూస్తున్నారు.
DETAILS
కేవలం ఒక మ్యాచ్, ఒక సిరీస్ గురించే ఆందోళన చెందకూడదు : రాహుల్ ద్రావిడ్
రెండో మ్యాచ్ ఓటమి తర్వాత ప్రధాన కోచ్ రాహుల్ ద్రవిడ్ స్పందించారు. రోహిత్, విరాట్‌లకు విశ్రాంతినిస్తూ తీసుకున్న నిర్ణయాన్ని ఆయన సమర్థించుకున్నారు.
ప్రపంచకప్, ఆసియా కప్ లాంటి భారీ టోర్నీలున్న నేపథ్యంలోనే రానున్న మ్యాచ్‌లకూ జట్టు ఎంపికలో రెండో వన్డే వ్యూహాన్నే పాటించనున్నట్లు చెప్పుకొచ్చారు.
మెగా టోర్నీల రాక ముందు కేవలం ఒక మ్యాచ్, ఒక సిరీస్ గురించే ఆందోళన చెందకూడదన్నారు. అలా చేస్తే అది పొరపాటే అవుతుందన్నారు. మరోవైపు కీలక మూడో వన్డే కోసం రోహిత్, విరాట్ తిరిగి జట్టులోకి వస్తారని అంతా భావిస్తున్నారు.
వన్డేల్లో వారు,తాము పరీక్షించబడతామని స్టాండ్ ఇన్ కెప్టెన్ హార్దిక్ పాండ్యా చెప్పుకొచ్చారు. ఇప్పుడు సిరీస్ 1-1తో ఉందని, వచ్చే మ్యాచ్ ప్రేక్షకులతో పాటు ఆటగాళ్లకూ ఉత్తేజాన్నిస్తుందన్నారు.