WI vs IND: రెండో వన్డేలో భారత్‌పై వెస్టిండీస్ ఘన విజయం
ఈ వార్తాకథనం ఏంటి
వెస్టిండీస్ పర్యటనలో ఉన్న టీమిండియాకు మొదటి ఎదురుదెబ్బ తగిలింది. శనివారం జరిగిన రెండో వన్డేల్లో టీమిండియాపై వెస్టిండీస్ ఘన విజయం సాధించింది. దీంతో మూడు వన్డేల సిరీస్‌ను 1-1తో సమం అయింది.
విండీస్ బౌలర్ల ధాటికి మొదటి బ్యాటింగ్ చేసిన భారత జట్టు 181 పరుగులకే ఆలౌటైంది. ఓపెనర్లు ఇషాన్ కిషన్ 55, శుభ్‌మన్ గిల్ 34 పరుగులతో ఫర్వాలేదనిపించారు.
మిగతా బ్యాటర్లు చేతులెత్తేయడంతో భారత్ తక్కువ పరుగులే చేయగలిగింది.
మొదటి వికెట్‌కు ఓపెనర్లు 90 పరుగులతో అదిరే ఆరంభాన్ని అందించారు. మిగతా 91 పరుగుల వ్యవధిలో టీమిండియా 10 వికెట్లనూ కోల్పోవడం విశేషం. విండీస్ బౌలర్లలో షెఫర్డ్ 3, మోతీ 3, జోసెఫ్ 2, సీల్స్, కరియా ఒక్కో వికెట్ తీశారు.
Details
హాఫ్ సెంచరీతో రాణించిన హోప్
అక్షర్‌ పటేల్‌ (1), సంజు శాంసన్‌ (9), కెప్టెన్‌ హార్దిక్‌ పాండ్య (7) ఈ మ్యాచులో పూర్తిగా నిరాశపరిచారు.
లక్ష్య చేధనకు వెస్టిండీస్ 36.4 ఓవర్లలోనే లక్ష్యాన్ని చేధించింది. విండీస్ బ్యాటర్లు షై హోప్ 63, కార్టీ 48 పరుగులతో చివరి క్రీజులో ఉండి విండీస్ జట్టుకు విజయాన్ని అందించాడు.
ఓపెనర్ కైలే మేయర్ 36 పరుగులతో రాణించాడు. హోప్ 70 బంతుల్లో హాఫ్ సెంచరీ బాదాడు.
టీమిండియా బౌలర్లలో శార్దుల్ ఠాకూర్ 2, హార్ధిక్ పాండ్యా, ఉమ్రాన్ మాలిక్, కుల్దీప్ యాదవ్ తలో ఓ వికెట్ తీశారు. ఇక మూడో వన్డే ఆగస్టు 1న జరగనుంది.