U-19 Asia Cup 2023: అద్భుతం.. కాళ్లతో క్యాచ్ పట్టి ఔట్ చేశాడు
ఆసియా కప్ అండర్-19 (Asia Cup U-19)లో విచిత్రకరమైన ఘటన చోటు చేసుకుంది. పాక్ వికెట్ కీపర్ సాద్ బేగ్ ఎవరికీ నమ్మశక్యం కానీ రీతిలో కాళ్లతో క్యాచ్ పట్టి ఔరా అనిపించాడు. దుబాయ్ వేదికగా నిన్న భారత్, పాకిస్థాన్(IND-PAK) మధ్య లీగ్ మ్యాచ్ జరిగిన విషయం తెలిసిందే. ఈ మ్యాచులో భారత్ మొదట బ్యాటింగ్ చేయగా ఇన్నింగ్స్ 32 ఓవర్లలో పాక్ స్పిన్నర్ అరాఫత్ బౌలింగ్ చేశాడు. ఆ బంతిని ఓపెనర్ ఆదర్శ్ స్వీప్ ఆడేందుకు ప్రయత్నించాడు. అది కాస్త బ్యాట్ ఎడ్జ్ తీసుకొని మిస్ అవ్వగా పాక్ వికెట్ కీపర్ సాద్ బేగ్ రెండు కాళ్ల క్యాచ్ అందుకున్నాడు. ప్యాడ్ల మధ్యలో బాల్ ఇరుక్కోగా దాన్ని అంపైర్ ఔట్‌గా ప్రకటించాడు.
