England Vs Newzealand : మూడు టెస్టుల కోసం న్యూజిలాండ్‌లో పర్యటించనున్నఇంగ్లండ్
ఈ ఏడాది నవంబర్ 28 నుంచి తమ జట్టు మూడు టెస్టుల పర్యటనలో భాగంగా న్యూజిలాండ్‌కు వెళ్లనున్నట్లు ఇంగ్లండ్ అండ్ వేల్స్ క్రికెట్ బోర్డు మంగళవారం ప్రకటించింది. సిరీస్‌లో తొలి మ్యాచ్ క్రైస్ట్‌చర్చ్‌లో జరగనుండగా,రెండో మ్యాచ్ వెల్లింగ్టన్‌లో డిసెంబర్ 6 నుంచి, మూడో మ్యాచ్ డిసెంబర్ 14 నుంచి హామిల్టన్‌లో జరగనుంది. గత ఏడాది ఫిబ్రవరి-మార్చిలో ఇరు జట్ల మధ్య టెస్టు సిరీస్ జరగగా, రెండు మ్యాచ్‌ల సిరీస్ డ్రాగా ముగిసింది. రెండో టెస్టులో న్యూజిలాండ్ ఒక్క పరుగు తేడాతో గెలుపొందగా, తొలి టెస్టులో ఇంగ్లండ్ 267 పరుగుల తేడాతో విజయం సాధించింది.
WTC పట్టికలో అగ్రస్థానంలో టీమిండియా
ఈ మూడు టెస్టులు ప్రపంచ టెస్ట్ ఛాంపియన్‌షిప్‌లో భాగంగా ఉంటాయి. ఇందులో న్యూజిలాండ్ మొదటి సీజన్‌లో ఆస్ట్రేలియాను ఓడించింది. ఈసారి భారత్ తొమ్మిది టెస్టుల్లో ఆరు గెలిచి WTC పట్టికలో అగ్రస్థానంలో ఉండగా, ఆస్ట్రేలియా రెండో స్థానంలో, న్యూజిలాండ్ మూడో స్థానంలో ఉన్నాయి. ఇంగ్లండ్ తొమ్మిదో స్థానంలో ఉంది. మొదటి రెండు స్థానాల్లో నిలిచిన జట్లు 2025లో లార్డ్స్‌లో ఫైనల్ ఆడుతాయి.
