రాహుల్ ద్రవిడ్ పై విరుచుకుపడ్డ పాక్ మాజీ ఆటగాడు
ఈ వార్తాకథనం ఏంటి
ఆస్ట్రేలియాతో చైన్నై వేదికగా మూడో వన్డేకు టీమిండియా సిద్ధమైంది. ఈ మ్యాచ్ లో గెలిచి సిరీస్ గెలుచుకోవాలని టీమిండియా భావిస్తోంది. రెండో వన్డేలో ఘోర పరాజయాన్ని చవి చూసిన టీమిండియా.. చివరి వన్డేలో నెగ్గి ఆస్ట్రేలియాపై ప్రతీకారం తీర్చుకోవాలనుకుంటోంది. అయితే రెండో వన్డే గురించి టీమిండియా హెడ్ కోచ్ రాహుల్ ద్రవిడ్ కొన్ని అసక్తికర విషయాలను వెల్లడించారు.
ప్రపంచ కప్ కు సంబంధించి ఇప్పటికే జట్టును ఎంపిక చేశామని, ఈ మెగా టోర్ని కోసం సిద్ధం ఉన్నామని, తమకు ఇప్పుడు విభిన్నమైన ప్లేయిగ్ ఎలెవన్ కాంబినేషన్లు ఉన్నాయని రాహుల్ ద్రవిడ్ పేర్కొన్నారు.
అయితే ద్రవిడ్ వ్యాఖ్యలపై పాకిస్థాన్ మాజీ ఆటగాడు సల్మాన్ బట్ విరుచుకుపడ్డాడు.
రాహుల్ ద్రవిడ్
మ్యాచ్‌తో సంబంధం లేకుండా కాంబినేషన్ల గురించి మాట్లాడడం సరికాదు
విభిన్న కాంబినేషన్లు ముఖ్యం కాదని, ముందు ఆస్ట్రేలియాతో టీమిండియా వన్డే సిరీస్ గెలవాలని, తర్వాత కాంబినేషన్ల గురించి ఆలోచించవచ్చని సల్మాన్ బట్ చెప్పారు. ఈ సమయంలో ఏది మాట్లాడిన ఆస్ట్రేలియాతో జరిగే మూడో వన్డే గురిచే ఉండాలని, మ్యాచ్ తో సంబంధం లేకుండా కాంబినేషన్ల గురించి మాట్లాడడం సరికాదన్నారు.
వరల్డ్ కప్ కోసం తమ వద్ద విభిన్న కాంబినేషన్లు ఉన్నాయని చెప్పిన ద్రవిడ్.. ముందు ఆస్ట్రేలియాతో సిరీస్ గెలవడంపై దృష్టిపెట్టాలని సల్మాన్ బట్ స్పష్టం చేశాడు.
రెండో వన్డేలో ఆస్ట్రేలియా గెలిచి సిరీస్ ను 1-1తో సమం చేసింది. మూడో వన్డేలో ఏ జట్టు నెగ్గుతుందో ప్రస్తుతం వేచిచూడాల్సిందే.