విజృంభించిన శిఖర్ ధావన్, ప్రభసిమ్రాన్ సింగ్.. పంజాబ్ భారీ స్కోరు
ఈ వార్తాకథనం ఏంటి
గౌహతి స్టేడియం వేదికగా బుధవారం రాజస్థాన్ రాయల్స్, పంజాబ్ కింగ్స్ మధ్య మ్యాచ్ ప్రారంభమైంది. మొదట టాస్ గెలిచిన రాజస్థాన్ రాయల్స్ బౌలింగ్ ఎంచుకుంది.
బ్యాటింగ్‌కు దిగిన పంజాబ్ ఓపెనర్లు ప్రభసిమ్రాన్ సింగ్, శిఖర్‌ధావన్ మంచి ఆరంభాన్ని అందించారు. ప్రభసిమ్రాన్ సింగ్ కేవలం 34 బంతుల్లో( 7 ఫోర్లు, 3 సిక్సర్లు) 60 పరుగులతో విజృంభించాడు
వీరిద్దరూ మొదటి వికెట్ 90 పరుగుల భాగస్వామ్యాన్ని నెలకొల్పారు. అనంతరం ప్రభసిమ్రాన్ సింగ్ హోల్డర్ బౌలింగ్ క్యాచ్ ఇచ్చి వెనుతిరిగాడు.
క్రీజులోకి దిగిన రాజపక్సే కేవలం ఒక బంతిని ఎదుర్కొన్నాడు. శిఖర్ ధావన్ వేగంగా షాట్ కొట్టడంతో ఆ బంతి రాజపక్సే మోచేతికి బలంగా తాకింది. దీంతో రాజపక్సే మైదానాన్ని వీడాడు.
పంజాబ్
రాణించిన పంజాబ్ బ్యాటర్లు
జితేష్ శర్మ తో కలిసి శిఖర్ ధావన్ ఇన్నింగ్స్ ను చక్కదిద్దే ప్రయత్నం చేశాడు. జితేష్ శర్మ 16 బంతుల్లో 27 పరుగులు చేసి ఔట్ అయ్యాడు. 16 ఓవర్లకే పంజాబ్ 159-3 స్కోరు చేసింది. సికిందర్ రాజా(1) నిరాశపరిచాడు. శిఖర్ ధావన్ 56 బంతుల్లో (9 ఫోర్లు, 3 సిక్సర్లు) 86 పరుగులతో విజృంభించాడు.
పంజాబ్ కింగ్స్ నిర్ణీత 20 ఓవర్లలో 4 వికెట్ల నష్టానికి 197 పరుగులు చేసింది.
రాజస్థాన్ బౌలర్లలో హోల్డర్ రెండు వికెట్లు, రవిచంద్రన్ అశ్విన్, , యుజేంద్ర చాహెల్ తలా ఓ వికెట్ తీశారు.
ఈ మ్యాచ్ లో రాజస్థాన్ రాయల్స్ పై (661) ఎక్కువ రన్స్ చేసిన ఆటగాడిగా శిఖర్ ధావన్ రికార్డు సృష్టించాడు.