ఉమెన్స్ ప్రీమియర్ లీగ్‌లో బోణి కొట్టిన గుజరాత్ జెయింట్స్
ఈ వార్తాకథనం ఏంటి
ఉమెన్స్ ప్రీమియర్ లీగ్‌లో వరుసగా మూడోసారి రాయల్ బెంగళూర్ ఛాలెంజర్స్ ఓటమిపాలైంది. బుధవారం రాత్రి జరిగిన 6వ మ్యాచ్‌లో గుజరాత్ జెయింట్స్ జట్టు 11 పరుగుల తేడాతో రాయల్ ఛాలెంజర్స్ బెంగళూర్ జట్టుపై విజయం సాధించింది. ఈ టోర్నిలో గుజరాత్ జెయింట్స్ తొలి విజయాన్ని నమోదు చేసింది. సోఫియా డంక్లీ, హర్లీన్ డియోల్ హాఫ్ సెంచరీలతో చెలరేగడంతో గుజరాత్ 20 ఓవర్లలో 7 వికెట్ల నష్టానికి 201 పరుగులు చేసింది. లక్ష్య చేధనకు దిగిన బెంగళూరు 20 ఓవర్లలో 6 వికెట్లు కోల్పోయి 190 పరుగులు చేసింది. బెంగళూర్ ఇది హ్యాట్రిక్ ఓటమి.
బెంగళూర్
మరోసారి నిరాశ పరిచిన బెంగళూర్
చేధనలో బెంగళూర్ కెప్టెన్ స్మృతి మంధాన (18) మరోసారి విఫలమైంది. మరో ఓపెనర్ సోఫియా డివైన్ (66: 45 బంతుల్లో 8x4, 2x6) హాఫ్ సెంచరీతో విజృభించినా ఫలితం లేకుండా పోయింది. మిడిల్ ఓవర్లలో ఫెర్రీ 32 పరుగులు, హీథర్ నైట్ 30 పరుగులతో రాణించారు. రిఛా ఘోస్ (10), ఆహుజ (10), పూనమ్ (2) కీలక సమయంలో వికెట్లు కోల్పోవడంతో బెంగళూర్ కి నిరాశ తప్పలేదు. గుజరాత్ టీంలో గార్డెనర్ 3 వికెట్లను పడగొట్టింది. గుజరాత్ ఓపెనర్ సోఫియా డంక్లీ 65 పరుగులు, హర్లీన్ డియాల్ 67 పరుగులతో చేలరేగారు. వీరిద్దరూ కలిసి రెండో వికెట్ కి 60 పరుగుల భాగస్వామ్యాన్ని నెలకొల్పారు. దీంతో గుజరాత్ భారీ స్కోరు నమోదు చేసింది.