Caribbean Premier League : సీపీఎల్ విజేతగా గయానా వారియర్స్
ఈ వార్తాకథనం ఏంటి
కరేబియన్ ప్రీమియర్ లీగ్-2023 ఛాంపియన్స్ గా గయానా అమెజాన్ వారియర్స్ అవతరించింది.
సోమవారం గయానా వేదికగా జరిగిన ఫైనల్లో ట్రిన్‌బాగో నైట్ రైడర్స్‌ను 9 వికెట్ల తేడాతో చిత్తు చేసింది. దీంతో తొలిసారిగా సీపీఎల్ టైటిల్‌ను కైవసం చేసుకుంది.
ఇప్పటివరకూ ఐదుసార్లు రన్నరప్‌గానే సరిపెట్టుకున్న ఆ జట్టు ఫైనల్లో అద్భుతంగా రాణించింది. ఇమ్రాన్ తాహీర్ సారథ్యంలో గయానా జట్టు ఆరోసారి ఫైనల్‌కు చేరుకోవడం విశేషం.
ఈ మ్యాచులో టాస్ ఓడి బ్యాటింగ్‌కు దిగిన ట్రిన్‌బాగో నైట్ రైడర్స్ 94 పరుగులకే కుప్పకూలంది. గయానా బౌలర్లలో ప్రోటీస్ ఆల్ రౌండర్ డ్వేన్ ప్రిటోరియస్ 4 వికెట్లతో నైట్ రైడర్స్ నడ్డి విరిచాడు.
Details
డ్వైన్ ప్రిటోరియస్ కు ప్లేయర్ ఆఫ్ ది మ్యాచ్
ఇక నైట్ రైడర్స్ బ్యాటర్లలో కార్టీ(38) మినహా మిగిలిన వారంతా విఫలమయ్యారు. స్వల్ప లక్ష్యంతో బరిలోకి దిగిన గయానా కేవలం ఒక్క వికెట్ కోల్పోయి లక్ష్యాన్ని చేధించింది.
ఓపెన‌ర్ స‌యీం ఆయూబ్‌(52 నాటౌట్), షై హోప్‌ 32 నాటౌట్ గా నిలవడంతో వారు మ్యాచును 14 ఓవర్లలోనే ముగించారు.
డ్వైన్ ప్రిటోరియస్ కు ప్లేయర్ ఆఫ్ ది మ్యాచ్ లభించింది. షాయ్ హోప్‌కు ప్లేయర్ ఆఫ్ ది సిరీస్ అవార్డు లభించింది.