ఐపీఎల్‌లో అరుదైన మైలురాయిని చేరుకున్న హార్ధిక్ పాండ్యా
ఈ వార్తాకథనం ఏంటి
ఇండియన్ ప్రీమియర్ లీగ్ లో భాగంగా ఆదివారం గుజరాత్ టైటాన్స్, రాజస్థాన్ రాయల్స్ తలపడ్డాయి.
ఈ మ్యాచ్‌లో హిట్‌మైర్ (56) సంజుశాంసన్(60) పరుగులతో రాణించడంతో రాజస్థాన్ రాయల్స్ ఘన విజయం సాధించింది.
తొలుత బ్యాటింగ్ చేసిన గుజరాత్ నిర్ణీత 20 ఓవర్లలో 7 వికెట్ల నష్టానికి 177 పరుగులు చేసింది. రాజస్థాన్ 19.2 ఓవర్లలో 7 వికెట్లు కోల్పోయి లక్ష్యాన్ని చేధించింది. ఈ మ్యాచ్‌లో కొన్ని అరుదైన రికార్డులు నమోదయ్యాయి.
గుజరాత్ కెప్టెన్ హార్ధిక్ పాండ్యా ఐపీఎల్ లో 2000 పరుగులు, 50 వికెట్లు తీసిన ఆరో క్రికెటర్ గా చరిత్ర సృష్టించాడు.
రాజస్థాన్ రాయల్స్
చెత్త రికార్డును మూటకట్టుకున్న రాజస్థాన్ రాయల్స్
హాఫ్ సెంచరీతో అకట్టుకున్న హిట్‌మైర్ ఐదో అత్యుత్తమ బ్యాటింగ్ స్ట్రయిక్ రేట్ (157.20) కలిగిన ఆటగాడిగా చరిత్రకెక్కాడు.
ఈ మ్యాచ్ లో విజయం సాధించిన రాజస్థాన్ రాయల్స్ ఓ చెత్త రికార్డును నమోదు చేసింది. ప్రస్తుత సీజన్ లో పవర్ ప్లేలో అత్యల్ప స్కోర్‌ (26/2) నమోదు చేసిన జట్టుగా చెత్త రికార్డు తన పేరిట రాసుకుంది.
అయితే ఐపీఎల్ లో గుజరాత్ టైటాన్స్ పై రాజస్థాన్ రాయల్స్ కు ఇది తొలి విజయం కావడం విశేషం. గతంలో ఈ ఇరు జట్లు మూడుసార్లు తలపడ్డాయి. ఈ మూడు మ్యాచ్ ల్లోనూ గుజరాత్ టైటాన్స్ విజయం సాధించిన విషయం తెలిసిందే.