మరోసారి కన్ఫూజన్‌కు గురైన హర్షా బోగ్లే.. అసలు విషయం తెలిసాక!
హైదరాబాదీ కామెంటేటర్ హర్షాబోగ్లే గురించి ప్రత్యేకంగా చెప్పనక్కర్లేదు. క్రికెటర్లతో సమానంగా పాపులారిటీ సంపాదించుకున్నాడు. తన వ్యాఖ్యనంతో ఆకట్టుకునే బోగ్లేకు చాలామంది అభిమానులు ఉన్నారు. ప్రస్తుతం అతను ఓ విషయంలో కన్ఫూజన్ కు గురయ్యాడు. తాజాగా ఓవల్ వేదికగా టీమిండియా, ఆస్ట్రేలియా మధ్య జరుగుతున్న డబ్ల్యూటీసీ ఫైనల్‌లో అతను కామెంటేటర్ గా వ్యవహరిస్తున్నాడు. అయితే జేమ్స్ అండర్షన్ విషయంలో అతను చిన్న తప్పిదం చేశాడు. డబ్ల్యూటీసీ ఫైనల్ మ్యాచ్ ప్రారంభానికి ముందు టీమిండియా బౌలింగ్ క్యాంప్ లో జేమ్స్ అండర్సన్ ఉన్నాడంటూ పేర్కొన్నారు. అదే విధంగా టీమిండియా బౌలర్లకు టిప్స్ ఇచ్చినట్లు తెలిపాడు.
సోహమ్ దేశామ్ ను పోరబడిన హర్షా బోగ్లే
అయితే అక్కడ ఉన్నది జేమ్స్ అండర్సన్ కాదు.. సోహమ్ దేశామ్. ప్రస్తుతం టీమిండియా స్ట్రైంత్ అండ్ కండీషన్ కోచ్ గా సోహమ్ దేశామ్ విధులు నిర్వహిస్తున్నాడు. ఓ యాంగిల్ లో సోహమ్ దేశాయ్ అచ్చం జేమ్స్ అండర్సన్ లాగా కనిపించాడు. దీంతో బోగ్లే అదేంటి అండర్సన్ టీమిండియా క్యాంప్ ఏం చేస్తున్నాడని కన్ఫూజన్ కు గురయ్యాడు. అయితే కాసేపటి తర్వాత అసలు విషయం తెలియడంతో హర్షా బోగ్లే నవ్వుకున్నాడు. ప్రస్తుతం దీనికి సంబంధించిన ఫోటో సోషల్ మీడియాలో వైరల్ గా మారింది.
