భారత బ్యాడ్మింటన్ కోచ్ గోపీచంద్‌కు గౌరవ డాక్టరేట్
భారత బ్యాడ్మింటన్ చీఫ్ కోచ్ పుల్లెల గోపీచంద్ కు మరో అరుదైన గౌరవం లభించింది. కర్ణాటకు చెందిన శ్రీ సత్యసాయి యూనివర్సిటీ ఫర్ హ్యూమన్ ఎక్సలెన్స్ ఆయనకు గౌరవ డాక్టరేట్ ను అందించింది. సోమవారం కర్ణాటకలో రాష్ట్రపతి ద్రౌపది ముర్ము చేతుల మీదుగా ఆయన డాక్టరేట్ ను అందుకున్నారు. గోపీచంద్ తో పాటు వివిధ రంగాల్లో అత్యత్తుమ సేవలందించిన నలుగురికి ఈ గౌరవం లభించడం విశేషం.
రాష్ట్రపతి చేతుల మీదుగా డాక్టరేట్ లభించడం గౌరవంగా ఉంది
రాష్ట్రపతి చేతుల మీదుగా గౌరవ డాక్టరేట్ అందుకోవడం గౌరవంగా భావిస్తున్నానని, కృషికి తగిన గుర్తింపు దక్కినప్పుడు మరింత ఉత్సహం లభిస్తుందని పుల్లెల గోపీచంద్ పేర్కొన్నారు. విభిన్న రంగాలకు చెందిన వారిని గౌరవించడం హర్షించదగ్గ విషయని గోపీచంద్ కొనియాడారు. పుల్లెల గోపీచంద్ ఆటగాడిగా ఆల్ ఇంగ్లండ్ టైటిల్ నెగ్గిన విషయం తెలిసిందే. ప్రస్తుతం అతను యువ ఆటగాళ్లకు శిక్షణిస్తూ బ్యాడ్మింటన్ రంగానికి కృషి చేస్తున్నాడు.
