Sanju Samson: అందరి చూపూ సంజూ వైపు..తగ్గేదేలే అంటున్న శాంసన్
ఈ వార్తాకథనం ఏంటి
ఐపీఎల్ 2026 సీజన్లో ఏప్రిల్ 14న జరగనున్న 22వ మ్యాచ్లో చెన్నై సూపర్ కింగ్స్ (CSK) జట్టు కోల్కతా నైట్ రైడర్స్ (KKR)ను ఆతిథ్యం ఇస్తోంది. ఈ మ్యాచ్లో అందరి దృష్టి సీఎస్కే బ్యాట్స్మన్ సంజూ శాంసన్పైనే ఉంది. ఈ సీజన్లో గత మ్యాచ్లో ఢిల్లీ క్యాపిటల్స్పై సంజు శాంసన్ అద్భుతంగా 115 పరుగులు చేసి ఫామ్లో ఉన్నాడు. ముఖ్యంగా, ఐపీఎల్ 2026కి ముందు శాంసన్ సీఎస్కే జట్టులోకి చేరి తానేంటో నిరూపించుకున్నాడు.
వివరాలు
కేేకేఆర్పై సంజూ రికార్డులివే..
కేకేఆర్పై సంజూ శాంసన్ ప్రదర్శన కూడా గమనించదగ్గదే. గతంలో ఢిల్లీ క్యాపిటల్స్, రాజస్థాన్ రాయల్స్ తరఫున ఆడిన శాంసన్, కేకేఆర్పై మొత్తం 22 మ్యాచ్లు ఆడి 542 పరుగులు సాధించాడు. అతని సగటు 28.52 కాగా, స్ట్రైక్ రేట్ 125.75గా ఉంది. కేకేఆర్పై శాంసన్ మూడు అర్ధశతకాలు సాధించగా, అతని అత్యధిక స్కోరు 60 పరుగులు.
వివరాలు
కేకేఆర్పై రాణిస్తాడా?
అలాగే, కేకేఆర్ హోమ్ గ్రౌండ్ అయిన ఈడెన్ గార్డెన్స్లో కూడా శాంసన్ మంచి రికార్డు కలిగి ఉన్నాడు. అక్కడ ఆడిన 8 మ్యాచ్ల్లో 259 పరుగులు చేసి 37 సగటుతో ఆకట్టుకున్నాడు. మొత్తం ఐపీఎల్ కెరీర్ విషయానికి వస్తే, సంజూ శాంసన్ ఇప్పటివరకు 181 మ్యాచ్లు ఆడి 4,841 పరుగులు సాధించాడు. అతని సగటు 31.23 కాగా, నాలుగు సెంచరీలు, 26 అర్ధశతకాలు నమోదు చేశాడు. ప్రస్తుతం ఫామ్లో ఉన్న శాంసన్ కేకేఆర్పై ఎలా రాణిస్తాడో చూడాలి.