ఆల్ ఇంగ్లండ్ ఛాంపియన్‌షిప్స్‌లో లక్ష్యసేన్, ప్రణయ్ శుభారంభం
ఆల్ ఇంగ్లండ్ ఓపెన్ బ్యాడ్మింటన్ ఛాంపియన్‌షిప్‌లో భారత స్టార్స్ లక్ష్యసేన్, హెచ్ఎస్ ప్రణయ్ శుభారంభాన్ని అందించారు. మంగళవారం బర్మింగ్ హామ్ లో జరిగిన పురుషుల సింగ్స్ లో లక్ష్యసేన్ తొలి రౌండ్‌లోనే సంచలన విజయాన్ని అందుకున్నాడు. ప్రపంచ ఐదో ర్యాంకర్ చౌ తియెన్ చెన్ తో జరిగిన మ్యాచ్ లో ప్రపంచ 19వ ర్యాంకర్ లక్ష్యసేన్ 21-18, 21-19తో చౌ తియెన్ చెన్‌ను చిత్తు చేశాడు. దీంతో ఫ్రి క్వార్టర్ ఫైనల్లోకి లక్ష్యసేన్ ప్రవేశించాడు. గతంలో చౌ తియెన్ చెన్‌తో ఆడిన రెండుసార్లూ ఓడిపోయిన లక్ష్య సేన్‌ మూడో ప్రయత్నంలో మాత్రం పైచేయి సాధించాడు.
ఫ్రిక్వార్టర్ ఫైనల్లోకి అడుగుపెట్టిన ప్రణయ్
మరో తొలి రౌండ్ మ్యాచ్‌లో ప్రపంచ తొమ్మిదో ర్యాంకర్, భారత్ నంబర్‌వన్ హెచ్ఎస్ ప్రణయ్ 21-19, 22-20తో జు వె వాంగ్ (చైనీస్‌ తైపీ)పై విజయం సాధించి సత్తా చాటాడు. ఈ విజయంతో సగర్వంగా ఫ్రిక్వార్టర్ ఫైనల్లోకి ప్రణయ్ అడుగుపెట్టాడు. ప్రణయ్ తొమ్మిది పాయింట్లలో ఎనిమిది గెలిచి తొలి గేమ్‌లో 12-4తో నిలిచి ప్రత్యర్థిని చిత్తు చేశాడు. చివర్లో వాంగ్ ఒక మ్యాచ్ పాయింట్‌ను కాపాడుకోగా.. తర్వాతి రెండు పాయింట్లను ప్రణయ్ గెలుచుకోవడంతో ప్రణయ్ విజయం సాధించాడు.
ఈ టైమ్ లైన్ ని షేర్ చేయండి