IIM Indore: వైభవ్ సూర్యవంశీపై ఐఐఎం ఇండోర్ అధ్యయనం..
ఈ వార్తాకథనం ఏంటి
ఐపీఎల్లో తన ధాటైన బ్యాటింగ్తో దేశవ్యాప్తంగా గుర్తింపు తెచ్చుకున్న 15 ఏళ్ల యువ క్రికెటర్ వైభవ్ సూర్యవంశీ ఇప్పుడు మరో ప్రత్యేక కారణంతో వార్తల్లో నిలిచాడు. అతడి విజయ ప్రస్థానాన్ని కేంద్రంగా చేసుకుని ఇండియన్ ఇన్స్టిట్యూట్ ఆఫ్ మేనేజ్మెంట్ (ఐఐఎం) ఇండోర్ ప్రత్యేక అధ్యయనం చేపట్టనుంది. చిన్న వయసులోనే అసాధారణ విజయాలు సాధించే బాల మేధావులపై ఖ్యాతి, అంచనాల ఒత్తిడి, మానసిక పరిస్థితులు ఎలాంటి ప్రభావం చూపుతాయన్న అంశాలను ఈ పరిశోధనలో విశ్లేషించనున్నారు. ఈ అధ్యయనానికి వైభవ్ సూర్యవంశీని ప్రధాన ఉదాహరణగా తీసుకోనున్నారు. అతడిలాంటి ప్రతిభావంతులు అత్యున్నత స్థాయిలో రాణించడానికి దోహదపడే అంశాలపై పరిశోధకులు దృష్టి సారించనున్నారు. వారి సాధన విధానం,క్రమశిక్షణ,మానసిక ధైర్యం,విజయాల వెనుక ఉన్న ప్రేరణ వంటి అంశాలను లోతుగా పరిశీలించనున్నారు.
వివరాలు
ఈ అంశాలు పరిశోధనలో భాగం
అలాగే తల్లిదండ్రులు, ఉపాధ్యాయులు, కోచ్లు, సీనియర్ ఆటగాళ్లు అందించే సహకారం యువ ప్రతిభను ఎలా ప్రభావితం చేస్తుందనే విషయాన్ని కూడా అధ్యయనం చేయనున్నారు. ఒక స్థాయికి చేరుకున్న తర్వాత ఎదురయ్యే ఒత్తిళ్లు, సవాళ్లు, అడ్డంకులను వారు ఎలా అధిగమిస్తున్నారన్న అంశాలను కూడా పరిశోధనలో భాగంగా చేర్చనున్నట్లు ఐఐఎం ఇండోర్ డైరెక్టర్ హిమాంశు రాయ్ తెలిపారు.