IND vs SL : టీమిండియా గెలుపు.. సిరీస్ కైవసం
శ్రీలంకతో జరిగిన రెండో టీ20 మ్యాచులో భారత్ ఏడు వికెట్ల తేడాతో గెలుపొందింది. మూడు మ్యాచుల సిరీస్ లో భాగంగా మరో మ్యాచ్ మిగిలి ఉండగానే భారత్ సిరీస్ ను కైవసం చేసుకుంది. మొదట బ్యాటింగ్ చేసిన శ్రీలంక 9 వికెట్ల నష్టానికి 161 పరుగులు చేసింది. లంక బ్యాటర్లలో కుశాల్ పెరీరా 53 పరుగులతో సత్తా చాటాడు. భారత్ ఛేజింగ్ లో 3 బంతులు మొదలవ్వగానే వర్షం పడింది. ఆ తర్వాత లక్ష్యాన్ని డక్ వర్త్ లూయిస్ పద్ధతిలో 8 ఓవర్లలో 78 రన్స్ గా అంపైర్లు నిర్దేశించారు.
రాణించిన భారత బ్యాటర్లు
టీమిండియా టార్గెట్ ను 6.3 ఓవర్లలోనే 3 వికెట్లు నష్టపోయి, లక్ష్యాన్ని చేధించింది. భారత బ్యాటర్లలో జైస్వాల్ 30 పరుగులు, సూర్యకుమార్ యాదవ్ 26 పరుగులు, హార్ధిక్ పాండ్యా 22 పరుగులతో రాణించారు. ఇక సంజు శాంసన్ (0) డకౌట్ తో నిరాశపరిచాడు. శ్రీలంక బౌలర్లలో మహేష్ తీక్షణ, హసరంగ, పతిరణ తలా ఓ వికెట్ తీశారు.
