IND Vs WI: టీమిండియాకు మరో పరాజయం
ఈ వార్తాకథనం ఏంటి
వన్డే, టెస్టు సిరీస్‌ను కైవసం చేసుకున్న టీమిండియా జట్టు టీ20ల్లో మాత్రం తేలిపోతున్నారు. వెస్టిండీస్ తో జరిగిన రెండో టీ20ల్లో టీమిండియా పరాజయం పాలైంది.
నికోలస్ పూరన్ 67 పరుగులతో రాణించడంతో, విండీస్ రెండు వికెట్ల తేడాతో గెలుపొందింది. మొదటి బ్యాటింగ్ చేసిన టీమిండియా భారత్ 20 ఓవర్లలో 152 పరుగులు చేసింది.
టీమిండియా బ్యాటర్లలో తెలుగు కుర్రాడు తిలక్ వర్మ (5 ఫోర్లు, ఒక సిక్సర్) 41 బంతుల్లో 51 పరుగులతో చెలరేగగా, ఓపెనర్ ఇషాన్ కిషన్ 23 బంతుల్లో ( 2 ఫోర్లు, 2 సిక్సర్లు) 27 పరుగులు ఫర్వాలేదనిపించారు.
విండీస్ బౌలర్లలో అకిల్ హుసేన్, అల్జారీ జోసెఫ్, షెఫర్డ్ తలా రెండు వికెట్లు పడగొట్టారు.
Details
నికోలస్ పూరన్ కు మ్యాన్ ఆఫ్ ది మ్యాచ్ అవార్డు
అనంతరం లక్ష్య చేధనలో విండీస్ 18.5 ఓవర్లలో 8 వికెట్లు కోల్పోయి 155 పరుగులు చేసింది.
విండీస్ బ్యాటర్లలో నికోలస్ పూరన్ 67 పరుగులతో విజృంభించి విండీస్ విజయంలో కీలక పాత్ర పోషించాడు. పావెల్ 21, హిట్ మెయిర్ 22 పరుగులతో రాణించారు.
చివర్లో గెలుపుపై ఉత్కంఠ నెలకొనగా అకీల్ హుసేన్(16 నాటౌట్), అల్జారీ జోసెఫ్ 10 పరుగులు చేసి జట్టును విజయ తీరాలకు చేర్చారు.
టీమిండియా బౌలర్లలో హార్ధిక్ పాండ్యా 3, యుజేంద్ర చాహల్ రెండు వికెట్లు పడగొట్టారు. హాఫ్ సెంచరీతో రాణించిన పూరన్ కు మ్యాన్ ఆఫ్ ది మ్యాచ్ అవార్డు లభించింది.