IPL 2023: పాయింట్ల పట్టికలో స్వల్ప మార్పలివే!
ఈ వార్తాకథనం ఏంటి
ఐపీఎల్‌లో భాగంగా మంగళవారం అరుణ్ జైట్లీ స్టేడియంలో ఢిల్లీ క్యాపిటల్స్, ముంబై ఇండియన్స్ తలపడ్డాయి. ఈ మ్యాచ్‌లో ముంబై ఇండియన్స్ ఆరు వికెట్ల తేడాతో విజయం సాధించింది. దీంతో పాయింట్ల పట్టికలో ముంబై ఓ స్థానాన్ని మెరుగుపర్చుకొని ఎనిమిదో స్థానానికి ఎగబాకింది. నాలుగు మ్యాచ్‌ల్లో మూడు విజయాలు సాధించి లక్నో అగ్రస్థానంలో కొనసాగుతోంది. మరోపక్క ఢిల్లీ క్యాపిటల్స్ నాలుగు మ్యాచ్‌ల్లో ఓడిపోయి -1.576 రన్‌రైట్‌తో చివరి స్థానంలో ఉంది. ఇక రాజస్థాన్ రాయల్స్ మూడు మ్యాచ్‌ల్లో రెండు విజయాలు సాధించి +2.067 రన్‌రైట్‌తో రెండో స్థానంలో కొనసాగుతోంది. కేకేఆర్ రెండు విజయాలతో +1.375 రన్‌రేట్‌తో మూడోస్థానంలో ఉంది.
శిఖర్ ధావన్
225 పరుగులతో శిఖర్ ధావన్ అగ్రస్థానం
పంజాబ్ కెప్టెన్ శిఖర్ ధావన్ 3 మ్యాచ్‌ల్లో 225 పరుగులు సాధించి ఆరెంజ్ క్యాప్ ను సొంతం చేసుకున్నాడు. 209 పరుగులతో వార్నర్ రెండో స్థానంలో నిలిచాడు. లక్నో సూపర్ జెయింట్స్ బౌలర్ మార్క్‌వుడ్ నాలుగు మ్యాచ్ లు 9 వికెట్లను సాధించాడు. దీంతో పర్పుల్ క్యాప్ అతని సొంతమైంది. 8 వికెట్లతో యుజేంద్ర చాహెల్, రషీద్ ఖాన్ రెండో స్థానంలో నిలిచారు. నేడు చిదంబరం స్టేడియంలో చైన్నై సూపర్ కింగ్స్, రాజస్థాన్ రాయల్స్ తలపడనున్నాయి.