IPL 2023: ఫ్లే ఆఫ్స్ కి వెళ్లే జట్లు ఇవే..?
ఇండియన్ ప్రీమియర్ లీగ్ 16వ ఎడిషన్ రసవత్తరంగా సాగుతోంది. ఇప్పటికే అన్ని జట్లు 12 మ్యాచులు ఆడేశాయి. ఇక ప్లే ఆఫ్స్ దగ్గర పడుతుండటంతో జట్లన్నీ గెలుపు మీద ఫోకస్ చేస్తున్నాయి. ప్లే ఆఫ్స్ కోసం అయా జట్ల మధ్య పోటీ బలంగా ఉంది. మే14న రాజస్థాన్ రాయల్స్ పై ఆర్సీబీ 112 పరుగుల తేడాతో ఘన విజయం సాధించి ఫ్లే ఆశలను సజీవంగా ఉంచుకుంది. గుజరాత్ టైటాన్స్ జట్లు 12 పాయింట్లతో ప్రస్తుతం అగ్రస్థానంలో ఉంది. మిగిలిన రెండు మ్యాచులలో ఒకటి గెలిస్తే గుజరాత్ ఫ్లేఆఫ్ కు అర్హత సాధించనుంది. చైన్నై సూపర్ కింగ్స్ 15 పాయింట్లతో పట్టికలో రెండో స్థానంలో ఉంది. అయినా మరో మ్యాచ్ లో గెలవాల్సి ఉంటుంది.
ఆర్సీబీ రెండు మ్యాచుల్లోనూ నెగ్గితే ఫ్లేఆఫ్స్ కు ఛాన్స్!
ముంబై ఇండియన్స్ 12 మ్యాచుల్లో 7 విజయాలను సాధించి పాయింట్ల పట్టికలో మూడో స్థానంలో నిలిచింది. మిగిలిన రెండు మ్యాచుల్లో ఒక మ్యాచ్ గెలిస్తే ఫ్లేఆఫ్స్ కు వెళ్లే అవకాశం ఉంటుంది. లక్నో సూపర్ జెయింట్స్ 13 పాయింట్లతో 4వ స్థానంలో ఉంది. మిగిలిన రెండు మ్యాచుల్లో లక్నో విజయం సాధిస్తే ఫ్లేఆఫ్ కు చేరనుంది. బెంగళూరు 12 పాయింట్లతో ఐదో స్థానంలో నిలిచింది. అయితే మిగిలిన రెండు మ్యాచ్ ల్లోనూ తప్పక నెగ్గాల్సి ఉంటుంది. రాజస్థాన్ రాయల్స్ 12 పాయింట్లతో ఆరో స్థానంలో ఉంది. మిగిలిన రెండు మ్యాచ్ ల్లోనూ రాజస్థాన్ తప్పక గెలవాల్సిన పరిస్థితి నెలకొంది. పంజాబ్ కింగ్స్ కూడా మిగిలిన రెండు మ్యాచ్ లోనూ విజయం సాధించాల్సి ఉంటుంది.
