IPL: ఐపీఎల్ 2025.. గాయాల బారినపడిన కీలక ప్లేయర్ల లిస్ట్ ఇదే!
ఈ వార్తాకథనం ఏంటి
ఛాంపియ‌న్స్ ట్రోఫీ 2025లో టీమిండియా విజేతగా నిలిచింది. దుబాయ్ వేదికగా జ‌రిగిన ఫైన‌ల్‌లో న్యూజిలాండ్‌ను నాలుగు వికెట్ల తేడాతో ఓడించి ముచ్చ‌ట‌గా మూడోసారి ఛాంపియ‌న్స్ ట్రోఫీని ముద్దాడింది. భారత జట్టు ఘనవిజయం సాధించడంతో క్రికెట్ అభిమానులు సంబ‌రాల్లో మునిగిపోయారు. ఛాంపియ‌న్స్ ట్రోఫీ ముగియడంతో ఇప్పుడు అందరి దృష్టి ఐపీఎల్ 2025పై కేంద్రీకృతమైంది. గాయాలతో తడబడుతున్న ప్లేయర్లు ఈ ఏడాది ఐపీఎల్ 18వ సీజన్‌ మార్చి 22న ప్రారంభమై మే 25వరకు కొనసాగనుంది. అయితే సీజన్‌ మొదలయ్యే ముందే పలు ఫ్రాంచైజీలు గాయాలతో సతమతమవుతున్నాయి. కీలక ఆటగాళ్లు గాయాల బారినపడటంతో వారికి ప్రత్యామ్నాయంగా కొత్త ఆటగాళ్ల ఎంపికపై ప్రాంఛైజీలు దృష్టి సారిస్తున్నాయి.
Details
గాయపడ్డ ఆటగాళ్లు జాబితా
జోష్ హేజిల్‌వుడ్ (రాయల్ ఛాలెంజర్స్ బెంగ‌ళూరు) - సైడ్ స్ట్రెయిన్‌ అన్రిచ్‌ నోర్ట్జే (కోల్‌క‌తా నైట్ రైడ‌ర్స్) - వెన్నుగాయం జెరాల్డ్ కోట్జీ (గుజ‌రాత్ టైటాన్స్) - స్నాయువు గాయం మిచెల్ మార్ష్ (ల‌క్నో సూప‌ర్ జెయింట్స్) - నడుము కింది భాగం గాయం జాక‌బ్ బెథెల్ (రాయల్ ఛాలెంజర్స్ బెంగ‌ళూరు) - స్నాయువు గాయం మ‌యాంక్ యాద‌వ్ (ల‌క్నో సూప‌ర్ జెయింట్స్) - వెన్నుగాయం లిజాద్ విలియ‌మ్స్ (ముంబై ఇండియ‌న్స్) - మోకాలి గాయం అల్లా గజన్‌ఫర్ (ముంబై ఇండియ‌న్స్) - వెన్నుగాయం
Details
వ్యక్తిగత కారణాలతో ఐపీఎల్ కు దూరమైన హ్యారి బ్రూక్
ఇందులో కొందరు ఆటగాళ్లు పూర్తిగా ఈ సీజన్‌కు దూరంగా ఉండనుండగా, మరికొందరు ఎప్పుడు మైదానంలోకి తిరిగి వస్తారో తెలియని పరిస్థితి. మరోవైపు, ఇంగ్లాండ్ స్టార్ ఆటగాడు హ్యారీ బ్రూక్ వ్యక్తిగత కారణాలతో ఐపీఎల్ 2025 నుంచి తప్పుకున్నాడు. అతడు ఢిల్లీ క్యాపిటల్స్‌ తరఫున ఆడాల్సి ఉండగా, ఇప్పుడు జట్టు కొత్త ఆటగాడిని ఎంపిక చేసుకునే అవకాశం ఉంది.