IPL 2026: ముంబై బౌలర్లు విఫలం..చెలరేగిన కాటేరమ్మ కొడుకులు..హైదరాబాద్ విక్టరీ
ఈ వార్తాకథనం ఏంటి
ముంబైలోని వాంఖడే స్టేడియంలో బుధవారం జరిగిన ఐపీఎల్ మ్యాచ్లో ముంబయి ఇండియన్స్ (MI) సన్రైజర్స్ హైదరాబాద్ (SRH)పై భారీ స్కోరు నమోదు చేసింది. ఈ మ్యాచ్లో హైదరాబాద్ ఘన విజయం సాధించింది. మొదట బ్యాటింగ్ చేసిన MI నిర్ణీత 20 ఓవర్లలో 5 వికెట్ల నష్టానికి 243 పరుగులు చేసింది. ముంబై ఇన్నింగ్స్కి ఓపెనర్ రియాన్ రికెల్టన్ అద్భుతమైన సెంచరీతో దుమ్మురేపాడు. అతనికి విల్ జాక్స్ మంచి సహకారం అందించడంతో ఓపెనింగ్ పార్టనర్షిప్లోనే పరుగుల వర్షం కురిసింది. పవర్ప్లేలోనే ముంబై 78 పరుగులు రాబట్టింది. తర్వాత జాక్స్ ఔటయ్యాక సూర్యకుమార్ యాదవ్ వచ్చి త్వరగానే పెవిలియన్ చేరాడు. ఆ తర్వాత రికెల్టన్ కీలక భాగస్వామ్యం నెలకొల్పాడు.
వివరాలు
ముంబై ఇన్నింగ్స్ సాగిందిలా..
15వ ఓవర్లో రికెల్టన్ తన సెంచరీని పూర్తి చేశాడు. అనంతరం హార్దిక్ పాండ్యాతో కలిసి మరో పెద్ద భాగస్వామ్యం జోడించాడు. చివరికి రికెల్టన్ 123 పరుగులు నాటౌట్గా నిలవగా, ముంబై ఇండియన్స్ భారీగా 243/5 స్కోరు చేసింది. బౌలింగ్లో SRH తరఫున పటు కమిన్స్ ప్రభావం చూపలేకపోయాడు. అతను 4 ఓవర్లలో 39 పరుగులు ఇచ్చినా వికెట్ తీసుకోలేకపోయాడు. ప్రఫుల్ హింగే 4 ఓవర్లలో 54 పరుగులు ఇచ్చి 2 వికెట్లు తీసి బౌలర్లలో బెస్ట్గా నిలిచాడు. ఈశాన్ మలింగా 4 ఓవర్లలో 29 పరుగులు ఇచ్చి 1 వికెట్ తీశాడు. హర్ష్ దుబే 3 ఓవర్లు వేసి 50 పరుగులు ఇచ్చి వికెట్ లేకుండా ఖరీదైన బౌలింగ్ వేశాడు.
వివరాలు
టీ20ల్లో 18 డక్లు.. ఐపీఎల్లో 11 డక్లతో ఇషాన్
ఆటగాడు ఇషాన్ కిషన్ ఐపీఎల్ 2026 సీజన్లో మరోసారి నిరాశపరిచాడు. ముంబయి ఇండియన్స్ (MI)తో బుధవారం జరిగిన మ్యాచ్లో అతను బ్యాటింగ్లో పూర్తిగా విఫలమయ్యాడు. ముంబైలోని వాంఖడే స్టేడియంలో జరిగిన మ్యాచ్లో కిషన్ 0 పరుగులకే అవుట్ అయ్యాడు. అఫ్గానిస్తాన్ స్పిన్నర్ అల్లా ఘజన్ఫర్ బౌలింగ్లో ఇషాన్ కిషన్ గోల్డెన్ డక్గా పెవిలియన్ చేరాడు. SRH ఓపెనర్లు అభిషేక్ శర్మ, ట్రావిస్ హెడ్ వేగంగా 129 పరుగుల భాగస్వామ్యం నిర్మించారు. 9వ ఓవర్లో అభిషేక్ అవుట్ అవ్వగా, కిషన్ క్రీజులోకి వచ్చాడు. కానీ అతను ఎదుర్కొన్న తొలి బంతికే అవుట్ అయ్యాడు.
వివరాలు
టీ20ల్లో 4,800 పరుగుల మైలురాయి దాటిన హెడ్
ఐపీఎల్ 2026లో ట్రావిస్ హెడ్ తొలి అర్ధశతకం బాదాడు. అతను ముంబయి ఇండియన్స్ (MI) పై జరిగిన మ్యాచ్లో అద్భుతమైన ఇన్నింగ్స్ ఆడాడు. సన్రైజర్స్ హైదరాబాద్ (SRH) ఓపెనర్గా బరిలోకి దిగిన హెడ్ 76 పరుగులు చేసి తన ఫామ్ను చాటుకున్నాడు. 20 బంతుల్లోనే ట్రావిస్ హెడ్ తన అర్ధశతకాన్ని పూర్తి చేశాడు. ఇప్పటివరకు 47 ఐపీఎల్ మ్యాచ్ల్లో 1,408 పరుగులు చేసిన హెడ్ సగటు 33.52గా ఉంది. ఇది అతని 9వ ఐపీఎల్ అర్ధశతకం కాగా, ఒక సెంచరీ కూడా ఉంది. టీ20ల్లో కూడా ట్రావిస్ హెడ్ రికార్డు కొనసాగుతోంది. ఇప్పటివరకు 183 మ్యాచ్ల్లో 4,814 పరుగులు చేశాడు. ఇందులో 28 అర్ధశతకాలు, 2 సెంచరీలు ఉన్నాయి.