Anderson - Tendulkar Trophy: ఇది నిజమేనా? నా పేరుతో ట్రోఫీనా? - స్పందించిన అండర్సన్!
ఈ వార్తాకథనం ఏంటి
ఇంగ్లండ్‌-భారత్ మధ్య జరుగుతున్న ఐదు టెస్టుల సిరీస్‌కు ఇటీవలే \*'అండర్సన్ - తెందూల్కర్ ట్రోఫీ'\*గా నామకరణం చేసిన విషయం తెలిసిందే. ఇప్పటివరకు ఈ సిరీస్‌ను పటౌడీ ట్రోఫీగా పిలిచేవారు. ఇప్పుడు పేరు మార్పుపై లెజెండ్స్ సచిన్ తెందూల్కర్, జేమ్స్ అండర్సన్‌లు తమ అభిప్రాయాలు వ్యక్తం చేస్తున్నారు. ఈనేపథ్యంలో, ప్రముఖ ఇంగ్లాండ్ పేసర్ జేమ్స్ అండర్సన్ స్పందిస్తూ - ''ఇలాంటి అరుదైన గౌరవం నాకు లభించడం ఎంతో ఆనందంగా ఉంది. సచిన్ తెందూల్కర్‌తో కలిసి ట్రోఫీని పంచుకోవడం గొప్ప గౌరవంగా భావిస్తున్నాను'' అన్నారు.
Details
గౌరవంగా భావిస్తున్నా
అతను చెప్పిన విధంగా - సచిన్ నా చిన్ననాటి హీరో. అతని ఆటను చూస్తూ పెరిగాను. అనంతరం క్రికెట్‌లో ప్రత్యర్థిగా ఆడే అవకాశం దక్కింది. భారత్ అభిమానుల ఆశలను తన భుజాలపై మోసిన గొప్ప ఆటగాడు సచిన్. అలాంటి దిగ్గజంతో కలిసి ట్రోఫీ నామకరణం జరగడం గొప్ప గౌరవం. నా పేరుతో ట్రోఫీ ఉండటం ఎప్పటికీ మర్చిపోలేని విషయం. ఇది చూస్తే.. నేనేనా ఇదంతా సాధించానా అని ఆశ్చర్యం కలుగుతుంది. నా కెరీర్ గురించి ప్రజలు ఇలా గుర్తుచేసుకుంటే గొప్ప ఫీలింగ్ వస్తుందని అండర్సన్ చెప్పాడు. ఇక ట్రోఫీ పేరు మార్పుపై సచిన్ ఇప్పటికే స్పందించి, గౌరవంగా భావిస్తున్నట్లు తెలిపిన విషయం తెలిసిందే.