కోహ్లీకి ప్రత్యర్థిగా ఉండడం చాలా కష్టం : డుప్లెసిస్
టీమిండియా స్టార్ ఆటగాడు విరాట్ కోహ్లీపై సౌతాఫ్రికా ప్లేయర్ డుప్లెసిస్ అసక్తికర వ్యాఖ్యలు చేశాడు. కోహ్లీకి ప్రత్యర్థిగా ఉండడం కంటే అతనితో కలిసి ఆడడం ఎంతో మంచిదని ఆర్సీబీ కెప్టెన్ డుప్లెసిస్ పేర్కొన్నారు. ప్రస్తుతం విరాట్ కోహ్లీతో కలిసి ఆర్సీబీ జట్టులో డుప్లెసిస్ అడుతున్న విషయం తెలిసిందే. కింగ్ కోహ్లీకి క్రికెట్ పట్ల ఉన్న ఫ్యాషన్ తనకు అశ్చర్యానికి గురి చేసిందని, గతంలో సౌతాఫ్రికాకు ఆడే సమయంలో డుప్లెసిస్.. కోహ్లీకి ప్రత్యర్థిగా ఉన్న విషయం తెలిసిందే. విరాట్ తో ప్రత్యర్థిగా ఆడిన క్షణాలు ఇంకా తనకు గుర్తుకు ఉన్నాయని, 11వ నెంబర్ బ్యాటర్ ఔటైనా విరాట్ సంబరాలు చేసుకుంటాడని తెలియజేశాడు.
నేడు సన్ రైజర్స్ తో తలపడనున్న ఆర్సీబీ
విరాట్ కోహ్లీకి ఆట పట్ల ఎంతో మక్కువ చూపుతాడని, అతను ప్రత్యర్థిగా ఆడుతున్నప్పుడు అతని ఫ్యాషన్ ప్రత్యర్థులకు ఇంధనంగా పనిచేస్తుందన్నారు. తామిద్దరం మంచి ఫ్రెండ్స్ అయ్యామని, అదే విధంగా మా ఇద్దరి ఇష్టాలు చాలా వరకు ఒకేలా ఉంటాయని డుప్లెసిస్ వెల్లడించారు. నేడు ఉప్పల్ వేదికగా ఆర్సీబీ, సన్ రైజర్స్ హైదరాబాద్ తో తలపడనుంది. ఈ మ్యాచ్ లో ఆర్సీబీ గెలిస్తేనే ఫ్లే ఆఫ్స్ వెళ్లే అవకాశం ఉంది. ఈ మ్యాచ్ లో గెలిచి ఫ్లే ఆఫ్స్ కు మరింత దగ్గర కావాలని ఆర్సీబీ భావిస్తోంది.
