జాసన్ రాయ్ కీలక నిర్ణయం.. డబ్బు కోసం ఇంగ్లండ్ జట్టుకు గుడ్ బై!
ఈ వార్తాకథనం ఏంటి
ఇంగ్లండ్ బ్యాటర్ జాసన్ రాయ్ కీలక నిర్ణయాన్ని తీసుకున్నాడు. ఫ్రాంచేజీ క్రికెట్ ఆడడం కోసం ఏకంగా ఇంగ్లండ్ క్రికెట్ బోర్డుకు గుడ్ బై చెప్పినట్లు ప్రచారం జోరుగా సాగుతోంది.
కోల్ కతా నైట్ రైడర్స్ కు చెందిన లాస్ ఏంజిల్స్ నైట్ రైడర్స్ తో రెండేళ్లకు గాను రూ.36.8 కోట్ల రూపాయాలకు ఒప్పందం కుదుర్చుకున్నట్లు ఇంగ్లీష్ మీడియా వెల్లడించింది.
అమెరికా వేదికగా జులై 13 నుంచి జూలై 30 వరకు మేజర్ లీగ్ క్రికెట్ టోర్నీ జరుగుతున్న విషయం తెలిసిందే. ఐపీఎల్ కు చెందిన ఫ్రాంచేజీలే ఈ టోర్నీలో భాగమయ్యాయి.
ఈ టోర్నీలో ఆడేందుకు జాసన్ రాయ్ ఏంజిల్స్ నైట్ రైడర్స్ తో ఒప్పందం కుదుర్చుకున్నాడని డెయిలీ మెయిల్ వైబ్ సైట్ పేర్కొంది.
Details
వన్డే ప్రపంచ కప్ కు జాసన్ రాయ్ దూరం?
డెయిలీ మెయిల్ వెబ్ సెట్ చెప్పింది నిజమైతే ఇండియా వేదికగా జరిగే వన్డే ప్రపంచ కప్ కు జాసన్ రాయ్ దూరం కానున్నాడు.
జాసన్ రాయ్ ఇప్పటికే తన కాంట్రాక్టు రద్దు విషయంపై ఈసీబీ అధికారులతో చర్చించినట్లు తెలుస్తోంది. మరోపక్క ఇంగ్లండ్ క్రికెట్ బోర్డుతో తన కాంట్రాక్టును రద్దు చేసుకుంటేనే జాసన్ రాయ్ కు నో అబ్జెక్షన్ సర్టిఫికేట్ లభించే అవకాశం ఉంది. ఇదే జరిగితే జాసన్ రాయ్ అంతర్జాతీయ కెరీర్ ముగిసినట్లే అని చెప్పొచ్చు.
ఇంగ్లండ్ తరుపున 116 వన్డేలు ఆడిన రాయ్ 39.92 సగటుతో 4271 పరుగులు చేశాడు.