క్రికెట్ అభిమానుల కోసం జియో బంఫరాఫర్.. ఉచితంగానే!
క్రికెట్ అభిమానులకు జియో తీపికబురును అందించింది. దేశ వ్యాప్తంగా క్రికెట్ అభిమానుల కోసం పెద్ద పెద్ద స్క్రీన్స్ తో ఐపీఎల్ మ్యాచ్ లు ఉచితంగా చూసుకొనే అవకాశాన్ని కల్పించింది. ఎన్నో వేల మంది ఈ అవకాశాన్ని ఉపయోగించుకుంటున్నారు. టాటా ఇండియన్ ప్రీమియర్ లీగ్ అధికారిక డిజిటల్ రైట్స్ హోల్డర్ జియో సినిమా దేశ వ్యాప్తంగా టాటా ఐపీఎల్ ఫ్యాన్ పార్క్ ఎక్స్ పీరియన్స్ ఈవెంట్లను చేస్తోంది. ఇప్పటికే వడోదర, కర్నూల్, బర్దామాన్, జలగావ్, వారణాసి, కర్నాల్, తూతూకుడి వంటి ప్రాంతాల్లో ఈ ఈవెంట్లను ఏర్పాటు చేశారు. టాటా ఐపీఎల్ ఫ్యాన్ పార్క్య్లో జియో సినిమా ద్వారా నాలుగు వీకెండ్ మ్యాచ్ లు లైవ్ స్ట్రీమింగ్ లో చూడొచ్చు.
13 రాష్ట్రాల్లో ఐపీఎల్ ఫ్యాన్ పార్క్ ఈవెంట్
దాదాపుగా 35 పట్టణాల్లో స్టీమింగ్ సేవలను అందుబాటులోకి తెచ్చినట్లు ఇప్పటికే కంపెనీ స్పష్టం చేసింది. మొట్టమొదటి సారిగా అభిమానులు బయట పెద్ద స్క్రీన్ లో ఆటను వీక్షించడానికి 13 రాష్ట్రాల్లో ఈ సేవలను అందుబాటులోకి తెచ్చారు. టాటా ఐపీఎల్ ఫ్యాన్ పార్క్ ఈవెంట్ అనేది పూర్తిగా ఉచితంగా చూడొచ్చు. క్రికెట్ అభిమానులు ఈ అవకాశాన్ని పూర్తిగా వినియోగించుకొనే అవకాశం ఉంటుంది. జియో సినిమా యాప్ ద్వారా కూడా క్రికెట్ అభిమానులు వారికి నచ్చిన టీమ్ ఆటను వీక్షించొచ్చు.
