తగ్గేదేలా అంటున్న జియో సినిమా.. ఐపీఎల్ ఫైనల్ మ్యాచులో రికార్డు స్థాయిలో వ్యూస్
ఈ వార్తాకథనం ఏంటి
రిలయన్స్ ఇండస్ట్రీస్‌కు చెందిన జియో సినిమా ఐపీఎల్ ప్రసారాల్లో రికార్డులను సృష్టించింది.
సోమవారం జరిగిన ఐపీఎల్ ఫైనల్ మ్యాచులో రికార్డు స్థాయిలో స్థాయిలో వ్యూస్ ను నమోదు చేసి, గత రికార్డులను బ్రేక్ చేసింది.
గుజరాత్ టైటాన్స్, చైన్నై సూపర్ కింగ్స్ మధ్య జరిగిన ఫైనల్ మ్యాచ్ ను ఒకేసారి 3.2 కోట్ల మంది వీక్షించడంతో సరికొత్త రికార్డును నెలకొల్పింది.
ఇప్పటికే జియో సినిమా పేరిట ఇప్పటివరకూ 2.57 కోట్లు ఉన్న పాత రికార్డును జియో సినిమా మళ్లీ తిరగరాసింది.
గతంలో ఫీఫా వరల్డ్ కప్ ను ఉచితంగా ప్రసారం చేసిన జియో సినిమా ఈసారి ఐపీఎల్ సీజన్ ప్రసారాలను కూడా ఉచితంగా అందించిన విషయం తెలిసిందే.
Details
హాట్ స్టార్ రికార్డును బద్దలు కొట్టిన జియో సినిమా
2019 ఐపీఎల్ సీజన్‌లో 2.5 కోట్ల మంది ఒకేసారి మ్యాచ్ ను వీక్షించారు. గతంలో ఈ రికార్డు హాట్ స్టార్ పేరిట ఉండేది. ప్రస్తుతం ఈ రికార్డును జియో సినిమా బద్దలు కొట్టింది. జియో సినిమా ఐపీఎల్ డిజిటల్ రైట్స్ ను గతేడాది దక్కించుకుంది.
ఎంఎస్ ధోనికి ఇదే చివరి ఐపీఎల్ మ్యాచ్ అని జోరుగా ప్రచారం సాగింది. దీంతో అభిమానులు అస్సలు మిస్ కాకూడదని అభిమానులు భావించారు.
గతంలో జియో సిమ్ ను లాంచ్ చేసి టెలికాం రంగంలో ముకేష్ అంబానీ పెను ప్రకంపనలు సృష్టించాడు.