IPL 2026: అంపైర్ల నిర్ణయంపై అసంతృప్తి.. కానీ ఓటమి బాధ్యత మాదే: పావెల్
ఈ వార్తాకథనం ఏంటి
కోల్కతా నైట్ రైడర్స్ జట్టుకు చెందిన ప్రమాదకర బ్యాట్స్మన్ ఫిన్ అలెన్ ఔటైన విధానం ప్రస్తుతం సోషల్ మీడియాలో పెద్ద చర్చకు దారి తీసింది. లక్నో సూపర్ జెయింట్స్ తో జరిగిన మ్యాచ్లో అతని క్యాచ్పై వివాదం నెలకొంది. లక్నో ఆటగాడు దిగ్వేశ్ రాఠీ అద్భుతంగా క్యాచ్ పట్టుకున్నప్పటికీ, అతను బౌండరీ రోప్ను తాకినట్లు కేకేఆర్ అభిమానులు అభ్యంతరం వ్యక్తం చేశారు. ఈ సంఘటనలో ఫీల్డ్ అంపైర్ స్వయంగా నిర్ణయం తీసుకోవడంపై కూడా విమర్శలు వినిపించాయి. ఈ అంశంపై కేకేఆర్ ఆటగాడు రోవ్మన్ పావెల్ ప్రెస్ మీట్లో స్పందించాడు. అంపైర్లు మరింత జాగ్రత్తగా పరిశీలించి ఉండాల్సిందని అతను అభిప్రాయపడ్డాడు. అయితే, ఈ ఘటనను తమ ఓటమికి కారణంగా పేర్కొనడం సరికాదని స్పష్టం చేశాడు.
వివరాలు
రెండు పాయింట్లు కోల్పోవడం బాధాకరం
"నిజంగా చెప్పాలంటే, ఈ విషయాన్ని ఇంకాస్త లోతుగా పరిశీలించి ఉంటే మంచిది. ఫిన్ అలెన్ ఔటై డగౌట్కు వచ్చిన తర్వాత మేము దీనిపై చర్చించుకున్నాం. ఐపీఎల్ మ్యాచ్లలో చిన్న చిన్న విషయాలకైనా థర్డ్ అంపైర్కు రిఫర్ చేయడం చూశాం. కానీ ఈ సందర్భంలో మాత్రం అలా చేయలేదు. ఇది అంపైర్ల తప్పిదంగా భావిస్తున్నాం, దీనిపై మేము విశ్లేషణ జరుపుతాం. హోం గ్రౌండ్లో రెండు పాయింట్లు కోల్పోవడం బాధాకరం. అభిమానుల మద్దతు మధ్య ఆడుతూ ఓడిపోవడం నిరాశ కలిగించింది. మేము 180 కంటే ఎక్కువ పరుగులు చేసినప్పుడు విజయం సాధిస్తామని అనుకున్నాం. అయితే యువ ఆటగాడు ముకుల్ చౌదరి అద్భుత ప్రదర్శనతో ఆ అవకాశాన్ని మాకు దూరం చేశాడు," అని పావెల్ వెల్లడించాడు.
వివరాలు
మా భవిష్యత్తు మా చేతుల్లోనే ఉంది..
"మా గమ్యం పూర్తిగా మా చేతుల్లోనే ఉంది. ఇంకా అనేక మ్యాచ్లు మిగిలి ఉన్నాయి. ఒకసారి గెలుపు పంథాలోకి వచ్చాక, పరిస్థితి మారిపోతుంది. లఖ్నవూతో జరిగిన మ్యాచ్లో కూడా మేము మంచి ఆటతీరు ప్రదర్శించాం, కానీ అదృష్టం కలిసిరాలేదు. ఇకముందు ఇంకా మెరుగైన ప్రదర్శన చేయడానికి కృషి చేస్తాం. చివరి ఓవర్లో బంతిని కొంచెం దూరంగా వేయాలనే వ్యూహం వేసుకున్నాం. ముకుల్ షార్ట్ పిచ్ బంతులను కూడా చక్కగా ఆడటంతో, వైడ్ యార్కర్లు వేయాలని నిర్ణయించుకున్నాం. అయితే అతను మాకు ఎలాంటి అవకాశం ఇవ్వకుండా బాగా ఆడాడు," అని పావెల్ పేర్కొన్నాడు.
ట్విట్టర్ పోస్ట్ చేయండి
వైరల్ అవుతున్న వీడియో:
SKIED… AND TAKEN ON THE FENCE! 😱
— Star Sports (@StarSportsIndia) April 9, 2026
Top edge from Allen, & Rathi pulls off a sharp catch at deep third 👏#TATAIPL 2026 | #KKRvLSG | LIVE NOW 👉 https://t.co/2ISFQDaiMT pic.twitter.com/kHnYWXKSh6