Loading...
Mitchell Santner Injury: భారత్‌తో టెస్టు సిరీస్‌కు ముందు న్యూజిలాండ్‌కు భారీ షాక్.. స్టార్ ఆల్‌రౌండర్ దూరం
భారత్‌తో టెస్టు సిరీస్‌కు ముందు న్యూజిలాండ్‌కు భారీ షాక్.. స్టార్ ఆల్‌రౌండర్ దూరం

Mitchell Santner Injury: భారత్‌తో టెస్టు సిరీస్‌కు ముందు న్యూజిలాండ్‌కు భారీ షాక్.. స్టార్ ఆల్‌రౌండర్ దూరం

వ్రాసిన వారు Jayachandra Akuri
Nov 17, 2026
08:56 am

ఈ వార్తాకథనం ఏంటి

టీమిండియాతో టెస్టు సిరీస్‌కు ముందు న్యూజిలాండ్‌కు భారీ షాక్ తగిలింది. ఆ జట్టు సీనియర్ ఆల్‌రౌండర్, వైట్‌బాల్ కెప్టెన్ మిచెల్ శాంట్నర్ గాయం కారణంగా రెండు టెస్టుల సిరీస్ మొత్తానికి దూరమయ్యాడు. అతడి కుడి చేతికి ఫ్రాక్చర్ అయినట్లు న్యూజిలాండ్ క్రికెట్ బోర్డు అధికారికంగా ప్రకటించింది.

వివరాలు

ఐదో వన్డేలో గాయం

భారత్‌తో ఆదివారం జరిగిన ఐదో వన్డేలో బ్యాటింగ్ చేస్తున్న సమయంలో శాంట్నర్ గాయపడ్డాడు. అనంతరం నిర్వహించిన స్కానింగ్‌లో అతడి కుడి చేతికి ఫ్రాక్చర్ అయినట్లు నిర్ధారణ అయింది.

దీంతో టెస్టు సిరీస్‌కు అతడిని దూరంగా ఉంచాలని జట్టు యాజమాన్యం నిర్ణయించింది.

శాంట్నర్ స్థానంలో టామ్ లాథమ్ నేతృత్వంలోని టెస్టు జట్టులోకి సెంట్రల్ డిస్ట్రిక్ట్స్ స్పిన్ బౌలింగ్ ఆల్‌రౌండర్ డీన్ ఫాక్స్‌క్రాఫ్ట్‌ను ఎంపిక చేశారు.

ఈ ఏడాది మేలో ఐర్లాండ్‌తో జరిగిన మ్యాచ్‌లో ఫాక్స్‌క్రాఫ్ట్ టెస్టు అరంగేట్రం చేశాడు.

వివరాలు

ఆస్ట్రేలియా సిరీస్‌కు అందుబాటుపై సందిగ్ధత

శాంట్నర్ గాయం నుంచి కోలుకోవడానికి ఎంత సమయం పడుతుందనే దానిపై ఇంకా స్పష్టత లేదని న్యూజిలాండ్ క్రికెట్ బోర్డు వెల్లడించింది.

భారత్ పర్యటన అనంతరం ఆస్ట్రేలియాతో జరగనున్న టెస్టు సిరీస్‌కు అతడు అందుబాటులో ఉంటాడా లేదా అనే విషయంపై తర్వాత సమాచారం ఇస్తామని తెలిపింది.

టీమిండియా, న్యూజిలాండ్ మధ్య తొలి టెస్టు గురువారం నుంచి వెల్లింగ్‌టన్‌లోని బేసిన్ రిజర్వ్‌లో ప్రారంభం కానుంది.

రెండో టెస్టు నవంబర్ 27 నుంచి క్రైస్ట్‌చర్చ్‌లోని హాగ్లీ ఓవల్ వేదికగా జరగనుంది.

ADVERTISEMENT

వివరాలు

గాయాలతో సతమతమవుతున్న కివీస్ జట్టు

ఇప్పటికే భారత్‌తో జరిగిన వన్డే సిరీస్‌లో పలువురు కీలక ఆటగాళ్లు గాయాల బారిన పడటంతో న్యూజిలాండ్ జట్టు ఇబ్బందులు ఎదుర్కొంది.

ఈ సిరీస్‌ను 1-3 తేడాతో కోల్పోయిన సంగతి తెలిసిందే.

ఇప్పుడు టెస్టు సిరీస్‌కు ముందు మరో కీలక ఆటగాడు జట్టుకు దూరం కావడం కివీస్‌కు ఆందోళన కలిగిస్తోంది.

ADVERTISEMENT