MS Dhoni: పెళ్లంటే నిప్పుతో చెలగాటమే.. స్టాండప్ కమెడియన్‌గా అవతారమెత్తిన ఎంఎస్ ధోనీ
ఈ వార్తాకథనం ఏంటి
టీమిండియా మాజీ కెప్టెన్ మహేంద్ర ఎంఎస్ ధోని... గ్రౌండ్‌లో తన స్ట్రైకింగ్‌ పవర్‌తో అభిమానులను మంత్ర ముగ్ధులను చేసే ఈ క్రికెట్ లెజెండ్, తాజాగా ఒక కొత్త అవతారంలో కనిపించారు. ఓ పెళ్లి వేడుకకు విశిష్ట అతిథిగా హాజరైన ధోని, అక్కడ స్టేజ్‌పైకి ఎక్కి స్టాండప్ కమెడియన్ స్టైల్‌లో జోకులు పేల్చి అతిథులను కడుపుబ్బా నవ్వించారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. స్టేజ్‌పై వధూవరుల పక్కన మైక్‌ పట్టుకుని నిలిచిన ధోని, తనదైన చమత్కార శైలిలో కొత్త జంటకు సరదా సలహాలిచ్చారు. పెళ్లి చేసుకోవడం గొప్ప విషయమే అయినా... దీనికి కొంచెం త్వరపడినట్టున్నారని వ్యాఖ్యానించడంతో, వేదికపై ఉన్నవారంతా నవ్వుల్లో మునిగిపోయారు.
Details
చాలామంది భర్తలకు వర్తిస్తుందంటూ సరదాగా వ్యాఖ్య
వరుడిని ఉద్దేశించి—కొంతమంది నిప్పుతో ఆిడుకునే వాళ్లు ఉంటారని, అతనూ వాళ్లలో ఒకడేనని చెప్పడంతో మరోసారి కేకలు పడేలా నవ్వులు పుట్టాయి. భర్తల పరిస్థితి ఎలాంటిదో ప్రపంచకప్ తర్వాత తన పరిస్థితి కూడా అలాగే ఉందని చెప్పిన ధోని, ఇది తనకే కాదు ఇక్కడున్న చాలా మంది భర్తలకు వర్తిస్తుందంటూ సరదాగా వ్యాఖ్యానించారు. ఈ మాటలతో అక్కడి వాతావరణం మరింత ఉత్సాహంగా మారింది. నీతి-నిజాయితీ సలహాలు కూడా ఇచ్చిన ధోని, నూతన వధువును ఉద్దేశించి—భర్త కోపంగా ఉన్నప్పుడు మాట్లాడకూడదని, ఆ కోపం ఐదు నిమిషాల్లో చల్లారిపోతుందని అన్నారు.
Details
హాస్య పాత్రలో కూడా ధోని ఫిట్
''మీ ఇద్దరికీ నా శుభాకాంక్షలంటూ తన ప్రసంగాన్ని ముగించారు. పెళ్లి జరిగిన ప్రదేశం, వారెవరు అన్న వివరాలు బయటకు రాలేదు. అయితే ధోని చెప్పిన జోకులు, ఆయన సరదా స్టైల్ నెటిజన్లను విపరీతంగా ఆకట్టుకుంటోంది. 'ధోని స్టాండప్ కమెడియన్ జాబ్ కూడా సాలిడ్‌గా చేస్తాడు, హాస్య పాత్రలో కూడా ఫిట్ అంటూ సోషల్ మీడియాలో అభిప్రాయాలు వెల్లువెత్తుతున్నాయి.
ట్విట్టర్ పోస్ట్ చేయండి
సోషల్ మీడియాలో వైరల్ అవుతున్న వీడియో
Captain cool turning into Husband School 😭❤️ pic.twitter.com/tt7nD0I9Uf
— Professor Sahab (@ProfesorSahab) November 27, 2025