Loading...
Mohammed Shami: ఐపీఎల్‌లో మరో ట్రెడ్‌ విండో డీల్‌..మళ్లీ మారిపోయిన షమీ
ఐపీఎల్‌లో మరో ట్రెడ్‌ విండో డీల్‌..మళ్లీ మారిపోయిన షమీ

Mohammed Shami: ఐపీఎల్‌లో మరో ట్రెడ్‌ విండో డీల్‌..మళ్లీ మారిపోయిన షమీ

వ్రాసిన వారు Balachander Sharma
Nov 17, 2026
05:55 pm

ఈ వార్తాకథనం ఏంటి

ఐపీఎల్ 2027 సీజన్‌కు ముందే ఫ్రాంచైజీల మధ్య ఆటగాళ్ల బదిలీలు ఆసక్తికరంగా మారుతున్నాయి. తాజాగా రాజస్థాన్ రాయల్స్, లక్నో సూపర్ జెయింట్స్ మధ్య భారీ మల్టీ ప్లేయర్ ట్రేడ్ ఒప్పందం పూర్తయింది. ఈ డీల్‌లో భాగంగా భారత పేసర్ మహమ్మద్ షమీ, యువ స్పిన్నర్ ఎం. సిద్ధార్థ్ లక్నోను వీడి రాజస్థాన్ జట్టులో చేరారు. మరోవైపు ఇంగ్లాండ్ ఆల్‌రౌండర్ సామ్ కర్రన్ రాజస్థాన్ నుంచి లక్నోకు మారాడు. దీంతో ఈ ముగ్గురు ఆటగాళ్లకు కొత్త జట్లలో మరో అవకాశం దక్కింది.

Details

నాలుగు సీజన్లలో నాలుగు జట్లు.. షమీ ప్రయాణం

మహమ్మద్ షమీ ఐపీఎల్‌లో వరుసగా జట్లు మారుస్తూ వార్తల్లో నిలుస్తున్నాడు.

2023లో గుజరాత్ టైటాన్స్ తరఫున అద్భుతంగా బౌలింగ్ చేసి పర్పుల్ క్యాప్ అందుకున్నాడు. 2024 సీజన్‌కు గాయం కారణంగా దూరమయ్యాడు.

2025లో సన్‌రైజర్స్ హైదరాబాద్‌కు ఆడగా, 2026లో లక్నో సూపర్ జెయింట్స్ తరఫున బరిలోకి దిగాడు.

ఆ సీజన్‌లో 12 వికెట్లు పడగొట్టాడు. ఇప్పుడు 2027లో రాజస్థాన్ రాయల్స్‌కు ప్రాతినిధ్యం వహించనున్నాడు.

Details

షమీ ఫీజులో తగ్గింపు.. కర్రన్‌కు కొత్త జట్టు

లక్నోలో షమీకి గతంలో రూ.10 కోట్ల ఫీజు ఉండగా, రాజస్థాన్‌కు మారిన తర్వాత అది రూ.8 కోట్లకు చేరింది.

గాయంతో ఐపీఎల్ 2026లో ఒక్క మ్యాచ్ కూడా ఆడలేకపోయిన సామ్ కర్రన్ ఇప్పుడు లక్నో తరఫున తన అదృష్టాన్ని పరీక్షించుకోనున్నాడు.

అతడి ట్రేడ్ ఫీజు రూ.2.4 కోట్లుగా ఉంది. గతంలో చెన్నై సూపర్ కింగ్స్, పంజాబ్ కింగ్స్ జట్లకు కూడా కర్రన్ ఆడాడు.

ADVERTISEMENT

Details

సిద్ధార్థ్‌కు రాజస్థాన్‌లో కొత్త అవకాశం

లెఫ్ట్ ఆర్మ్ స్పిన్నర్ ఎం. సిద్ధార్థ్ కూడా ఈ ఒప్పందంలో భాగంగా రాజస్థాన్‌కు చేరాడు. గత మూడు సీజన్లుగా లక్నో జట్టులో ఉన్న అతడు మొత్తం 9 మ్యాచ్‌లు ఆడాడు.

ఇప్పుడు రూ.75 లక్షల పాత ఫీజుతోనే రాజస్థాన్ తరఫున బరిలోకి దిగనున్నాడు. షమీ అనుభవం, సిద్ధార్థ్ స్పిన్ బౌలింగ్ రాజస్థాన్‌కు ఉపయోగపడే అవకాశముంది.

మరోవైపు కర్రన్ చేరికతో లక్నో ఆల్‌రౌండర్ విభాగం బలోపేతం కానుంది. ఈ మార్పులు ఐపీఎల్ 2027లో రెండు జట్ల వ్యూహాలపై ఎలాంటి ప్రభావం చూపుతాయో చూడాలి.

ADVERTISEMENT