Scotland Squad: కొత్త కోచ్, కొత్త జోష్.. టీ20 వరల్డ్కప్కు స్కాట్లాండ్ జట్టు రెడీ
ఈ వార్తాకథనం ఏంటి
టీ20 ప్రపంచకప్ 2026కు స్కాట్లాండ్ జట్టు పూర్తిస్థాయిలో సిద్ధమైంది. మరికొద్ది రోజుల్లో ప్రారంభం కానున్న ఈ మెగా టోర్నమెంట్ కోసం స్కాట్లాండ్ క్రికెట్ బోర్డు 15 మంది సభ్యులతో కూడిన జట్టును సోమవారం అధికారికంగా ప్రకటించింది. 2007లో నిర్వహించిన తొలి టీ20 వరల్డ్కప్లో స్కాట్లాండ్ పాల్గొనగా, దాదాపు రెండు దశాబ్దాల విరామం తర్వాత మరోసారి ఈ మెగా టోర్నీలో తమ సత్తా చాటేందుకు సిద్ధమైంది. ఈసారి అనుభవం, యువత సమ్మేళనంతో కూడిన జట్టును ఎంపిక చేసి ప్రత్యర్థులకు గట్టి పోటీ ఇవ్వాలనే లక్ష్యంతో స్కాట్లాండ్ బరిలోకి దిగుతోంది.
Details
హెడ్ కోచ్ ఓవెన్ డాకిన్స్
కొత్తగా బాధ్యతలు చేపట్టిన హెడ్ కోచ్ ఓవెన్ డాకిన్స్ మార్గదర్శకత్వంలో కెప్టెన్ రిచీ బెర్రింగ్టన్ జట్టును ముందుండి నడిపించనున్నాడు. బంగ్లాదేశ్ టోర్నీ నుంచి తప్పుకోవడంతో స్కాట్లాండ్కు అవకాశం దక్కిన విషయం తెలిసిందే. బ్యాటింగ్ విభాగంలో జార్జ్ మున్సీ, రిచీ బెర్రింగ్టన్ వంటి పవర్ హిట్టర్లు కీలక పాత్ర పోషించనున్నారు. ఆల్రౌండర్లుగా క్రిస్ గ్రీవ్స్, బ్రాండన్ మెక్ముల్లెన్ జట్టుకు బలంగా నిలవనున్నారు. బౌలింగ్ విభాగంలో మార్క్ వాట్, సఫ్యాన్ షరీఫ్, బ్రాడ్లీ వీల్లపై టీమ్ మేనేజ్మెంట్ భారీ ఆశలు పెట్టుకుంది.
Details
15 మంది స్క్వాడ్తో స్కాట్లాండ్ జట్టు
అఫ్గానిస్తాన్లో జన్మించిన ఫాస్ట్ బౌలర్ జైనుల్లా ఇహ్సాన్ తొలిసారి స్కాట్లాండ్ జట్టుకు ఎంపిక కావడం విశేషం. ఇటీవలే స్కాట్లాండ్ తరఫున ఆడేందుకు అర్హత సాధించిన అతడిపై జట్టు పెద్ద ఎత్తున ఆశలు పెట్టుకుంది. అలాగే మాజీ న్యూజిలాండ్ ఆటగాడు టామ్ బ్రూస్ కూడా ఈ స్క్వాడ్లో చోటు దక్కించుకున్నాడు. రిజర్వ్ ఆటగాళ్లుగా జాస్పర్ డేవిడ్సన్, జాక్ జార్విస్లను ఎంపిక చేయగా, నాన్-ట్రావెలింగ్ రిజర్వ్లుగా మాకెంజీ జోన్స్, క్రిస్ మెక్బ్రైడ్, చార్లీ టియర్లను ప్రకటించారు. ఇటీవల అంతర్జాతీయ టీ20ల్లో మెరుగైన ప్రదర్శనతో ఆకట్టుకున్న స్కాట్లాండ్, ఈ వరల్డ్కప్లో కూడా పెద్ద జట్లకు షాకులు ఇవ్వాలనే ధీమాతో బరిలోకి దిగుతోంది. ఈ 15 మంది స్క్వాడ్తో స్కాట్లాండ్ జట్టు టోర్నీలో ఎలాంటి ప్రభావం చూపుతుందో చూడాలి.
Details
స్కాట్లాండ్ స్క్వాడ్
టీ20 వరల్డ్కప్లో స్కాట్లాండ్ గ్రూప్ 'సి'లో ఉంది. ఈ గ్రూప్లో ఇంగ్లాండ్, ఇటలీ, నేపాల్, వెస్టిండీస్ జట్లు ఉన్నాయి. స్కాట్లాండ్ తమ తొలి మ్యాచ్ను ఫిబ్రవరి 7న కోల్కతాలోని ఈడెన్ గార్డెన్స్ వేదికగా వెస్టిండీస్తో ఆడనుంది. రిచీ బెర్రింగ్టన్ (కెప్టెన్), టామ్ బ్రూస్, మాథ్యూ క్రాస్, బ్రాడ్లీ కరీ, ఒలివర్ డేవిడ్సన్, క్రిస్ గ్రీవ్స్, జైనుల్లా ఇహ్సాన్, మైకేల్ జోన్స్, మైకేల్ లీస్క్, ఫిన్లే మెక్రెత్, బ్రాండన్ మెక్ముల్లెన్, జార్జ్ మున్సీ, సఫ్యాన్ షరీఫ్, మార్క్ వాట్, బ్రాడ్లీ వీల్. రిజర్వ్ ఆటగాళ్లు జాస్పర్ డేవిడ్సన్, జాక్ జార్విస్. **నాన్-ట్రావెలింగ్ రిజర్వ్లు:** మాకెంజీ జోన్స్, క్రిస్ మెక్బ్రైడ్, చార్లీ టియర్.