Ravindra Jadeja: ఎన్నిసార్లు అడిగినా నా సమాధానం ఇదే : రవీంద్ర జడేజా
ఈ వార్తాకథనం ఏంటి
ప్రస్తుతం భారత జట్టు వెస్టిండీస్‌తో టెస్టు సిరీస్‌ ఆడుతోంది. శుభ్‌మన్‌ గిల్ సారథ్యంతో జట్టు బరిలోకి దిగి ఉండగా, రిషభ్‌ పంత్‌ గాయం కారణంగా రవీంద్ర జడేజాను బీసీసీఐ టెస్టు వైస్‌ కెప్టెన్‌గా నియమించింది. అయితే ఈ నియామకంతో అభిమానుల్లో కొత్త చర్చ మొదలైంది. భవిష్యత్తులో ఆయనకు కెప్టెన్సీ అవకాశముందా? అనే ప్రశ్న మళ్లీ ముందుకు వచ్చేసింది. ఇదే విషయంపై విండీస్‌తో రెండో రోజు ఆట ముగిసిన తర్వాత జరిగిన ప్రెస్‌కాన్ఫరెన్స్‌లో జడేజాను మళ్లీ అడిగారు. అటువంటి ప్రశ్నకు తాను ఇప్పటికే సమాధానం చెప్పినట్లు గుర్తుచేసిన జడేజా, తన అభిప్రాయం మారలేదని స్పష్టం చేశాడు.
Details
ఇప్పుడు సమయం దాటిపోయింది
ఇప్పటికీ టెస్టు కెప్టెన్సీ కావాలనే ఆసక్తి ఉందా అని అడుగుతున్నారు. గతంలో అలాంటి ఆలోచన ఉండేది. కానీ ఇప్పుడు ఆ సమయం దాటిపోయింది. నా దృష్టి పూర్తి స్థాయిలో జట్టుకు ఎక్కువ కాలం ప్రాతినిధ్యం వహించడంపైనే ఉంది. పిచ్‌ పరిస్థితులను బట్టి బౌలింగ్‌లో మార్పులు చేసుకుంటున్నా. బ్యాటింగ్‌, బౌలింగ్‌తో జట్టుకు ఉపయోగపడతాననే ధ్యాస మాత్రమే ఉంది. కెప్టెన్సీ గానీ, వైస్‌ కెప్టెన్సీ గానీ ఇప్పుడు నా ఆలోచనల్లో లేవన్నారు.
Details
పిచ్‌ గురించి కూడా స్పందించిన జడేజా
దిల్లీ పిచ్‌ ప్రవర్తనపై స్పందిస్తూ రవీంద్ర జడేజా ఇలా వ్యాఖ్యానించాడు. పిచ్‌పై ఎలాంటి ఆశ్చర్యం లేదు. మేము స్లో ట్రాక్‌ కోరాం కానీ అతిగా టర్న్‌ అయ్యేలా ఉండాలని అనుకోలేదు. మా అంచనాలకు అనుగుణంగానే వికెట్‌ ఉంది. మ్యాచ్‌ ముందుకు సాగేకొద్దీ టర్న్‌ పెరుగుతుంది. నెట్స్‌లో ముందే అలాంటి పరిస్థితుల కోసం శిక్షణ తీసుకున్నాం. తప్పకుండా మెరుగైన ఫలితాన్ని సాధిస్తామని నమ్ముతున్నామని పేర్కొన్నారు. జడేజా వ్యాఖ్యలతో అభిమానులు ఊహించిన కెప్టెన్సీ చర్చకు తాత్కాలికంగా తెరపడినట్లైంది. అవసరమైన చోట తన పాత్ర పోషించడానికే తాను ప్రాధాన్యం ఇస్తున్నానని ఆయన స్పష్టంచేశాడు.