NZ vs PAK: న్యూజిలాండ్ చేతిలో ఓటమిపాలైన పాకిస్తాన్.. మెరిసిన మిచెల్, సౌథీ
ఈ వార్తాకథనం ఏంటి
ఆక్లాండ్‌లోని ఈడెన్ పార్క్‌లో శుక్రవారం జరిగిన తొలి టీ20లో న్యూజిలాండ్ 46 పరుగుల తేడాతో పాకిస్థాన్‌పై విజయం సాధించింది.
ఈ విజయంతో కివీస్ ఐదు మ్యాచ్‌ల సిరీస్‌లో 1-0తో కీలక ఆధిక్యంలో నిలిచింది.
తొలుత బ్యాటింగ్‌కు దిగిన న్యూజిలాండ్ నిర్ణీత 20 ఓవర్లలో ఎనిమిది వికెట్ల నష్టానికి 226 పరుగుల అత్యధిక స్కోరును సాధించింది.
డారిల్ మిచెల్ (61; 27 బంతుల్లో)భీకరంగా ఆడాడు. 14 నెలల తర్వాత తిరిగి టీ20 జట్టులోకి వచ్చిన కేన్ విలియమ్సన్ (57; 42 బంతుల్లో) అర్ధశతకం సాధించాడు.
అయితే ఇన్నింగ్స్ రెండో బంతికే ఓపెనర్ కాన్వే డక్ ఔట్ అయ్యాక, షాహీన్ షా అఫ్రిది వేసిన రెండవ ఓవర్లో ఫిన్ అలెన్ 24 పరుగులు చేశాడు.
Details
ధాటిగా ఆడిన మిచెల్
ఫిన్ అలెన్ (35; 15 బంతుల్లో) దూకుడుతో పాక్‌పై న్యూజిలాండ్ పైచేయి సాధించింది.
ఫిన్ అలెన్ ఔట్ అయ్యాక బ్యాటింగ్‌కు వచ్చిన మిచెల్, విలియమ్సన్ తో కలిసి ఇన్నింగ్స్ చక్కదిద్దాడు.
మిచెల్ బౌండరీలు, సిక్సర్లతో స్టేడియం ను హోరెత్తించాడు. విలియమ్సన్ 40 బంతుల్లో అర్ధశతకం సాధించి అబ్బాస్ బౌలింగ్‌లో వెనుదిరిగాడు.
అనంతరం మిచెల్ మరింత చెలరేగి 22 బంతుల్లో హాఫ్ సెంచరీ సాధించాడు.
ఫిలిప్స్(19; 11 బంతుల్లో)చాప్‌మన్ (26; 11 బంతుల్లో),సౌథి (6*; 2 బంతుల్లో) తలో చేయి వేయడంతో న్యూజిలాండ్ పాక్ ముందు భారీ లక్ష్యాన్ని ఉంచింది.
పాకిస్థాన్ తరఫున షాహీన్ 46 పరుగులిచ్చి మూడు వికెట్లు తీశాడు. అబ్బాస్ అరంగేట్రం మ్యాచ్ లో 34 పరుగులిచ్చి మూడు వికెట్లు తీశాడు.
Details
రెండో టీ20 జనవరి 14
బ్యాట్టింగ్ కి దిగిన పాకిస్థాన్ 18 ఓవర్లలో180 పరుగులకు ఆలౌటైంది.బాబర్ అజామ్(57;35 బంతుల్లో) టాప్ స్కోరర్.