IPL 2025: ఒక ప్లేయర్, తొమ్మిది జట్లు.. ఐపీఎల్‌లో అన్నీ ఫ్రాంచైజీలను కవర్ చేసిన ప్లేయర్ ఎవరంటే?
ఈ వార్తాకథనం ఏంటి
ఇండియన్ ప్రీమియర్ లీగ్ (IPL) 18వ సీజన్‌ కొనసాగుతోంది. మెగా వేలం అనంతరం చాలా జట్లలో కీలక మార్పులు చోటుచేసుకున్నాయి. గతంలో ఓ జట్టుకు ఆడిన కొందరు, ఇప్పుడు ప్రత్యర్థులుగా మారడం గమనార్హం. ఐపీఎల్ చరిత్రలో ఫ్రాంచైజీలు మారిన ఆటగాళ్లు ఎందరో ఉన్నప్పటికీ, వారిలో కొందరు అత్యధిక జట్లకు ప్రాతినిధ్యం వహించి రికార్డులు సృష్టించారు.
Details
9 ఫ్రాంచైజీలతో ఆరోన్ ఫించ్ రికార్డు
ఐపీఎల్‌లో అత్యధిక ఫ్రాంచైజీలకు ప్రాతినిధ్యం వహించిన రికార్డు ఆస్ట్రేలియా మాజీ బ్యాటర్‌ ఆరోన్ ఫించ్ పేరిట ఉంది. 2010లో రాజస్థాన్ రాయల్స్ తరఫున కెరీర్‌ను ప్రారంభించిన ఫించ్, తర్వాత దిల్లీ, పుణె వారియర్స్ ఇండియా, సన్‌రైజర్స్ హైదరాబాద్, ముంబయి ఇండియన్స్, గుజరాత్ లయన్స్, కింగ్స్‌ ఇలెవన్ పంజాబ్, రాయల్ ఛాలెంజర్స్ బెంగళూరు, కోల్‌కతా నైట్ రైడర్స్ తరఫున ఆడాడు. 2022లో అలెక్స్ హేల్స్‌కి రీప్లేస్‌మెంట్‌గా కోల్‌కతాలో చేరి, ఐపీఎల్ చరిత్రలో తొమ్మిది ఫ్రాంచైజీలకు ఆడిన ఏకైక క్రికెటర్‌గా రికార్డు సృష్టించాడు. తన 10 సీజన్ల ఐపీఎల్ కెరీర్‌లో 2,005 పరుగులు సాధించాడు.
Details
8 జట్లకు ఆడిన జయదేవ్ ఉనద్కత్
భారత పేసర్ జయదేవ్ ఉనద్కత్ ఐపీఎల్‌లో ఎనిమిది జట్లకు ప్రాతినిధ్యం వహించాడు. అతను కోల్‌కతా నైట్ రైడర్స్, దిల్లీ క్యాపిటల్స్, రాయల్ ఛాలెంజర్స్ బెంగళూరు, రైజింగ్ పుణె సూపర్‌జెయింట్స్, రాజస్థాన్ రాయల్స్, ముంబయి ఇండియన్స్, లఖ్‌నవూ సూపర్ జెయింట్స్, సన్‌రైజర్స్ హైదరాబాద్ తరఫున ఆడాడు. ఉనద్కత్ అత్యధిక ఫ్రాంచైజీలకు ఆడిన భారత క్రికెటర్‌గా నిలిచాడు. 7 జట్లకు ప్రాతినిధ్యం వహించిన మనీష్ పాండే మనీష్ పాండే తన ఐపీఎల్ కెరీర్‌ను ముంబయి ఇండియన్స్ జట్టుతో ప్రారంభించాడు. తర్వాత రాయల్ ఛాలెంజర్స్ బెంగళూరు, పుణె వారియర్స్ ఇండియా, కోల్‌కతా నైట్ రైడర్స్, సన్‌రైజర్స్ హైదరాబాద్, లఖ్‌నవూ సూపర్ జెయింట్స్, దిల్లీ క్యాపిటల్స్ తరఫున ప్రాతినిధ్యం వహించాడు.
Details
6 జట్లకు ఆడిన క్రికెటర్లు వీరే
దినేష్ కార్తీక్ దిల్లీ, పంజాబ్, ముంబయి, గుజరాత్, కోల్‌కతా, బెంగళూరు వరుణ్ ఆరోన్ కోల్‌కతా, దిల్లీ, పంజాబ్, బెంగళూరు, రాజస్థాన్, గుజరాత్ మురుగన్ అశ్విన్ పుణె, దిల్లీ, పంజాబ్, ముంబయి, రాజస్థాన్, బెంగళూరు ఇషాంత్ శర్మ కోల్‌కతా, దిల్లీ, పంజాబ్, సన్‌రైజర్స్ హైదరాబాద్, డెక్కన్ ఛార్జర్స్, రైజింగ్ పుణె సూపర్‌జెయింట్స్ యువరాజ్ సింగ్ కింగ్స్‌ ఇలెవన్ పంజాబ్, పుణె వారియర్స్, రాయల్ ఛాలెంజర్స్ బెంగళూరు, దిల్లీ క్యాపిటల్స్, సన్‌రైజర్స్ హైదరాబాద్, ముంబయి ఇండియన్స్ ఐపీఎల్‌లో తరచుగా ఆటగాళ్ల మార్పులు జరుగుతుండగా, కొందరు ఆటగాళ్లు మాత్రం చాలా ఫ్రాంచైజీలలో ఆడి రికార్డులు సృష్టించారు.