Pele Jersey: పీలే ప్రపంచకప్ జెర్సీకి రూ.47 కోట్ల ధర
ఈ వార్తాకథనం ఏంటి
ఫుట్ బాల్ చరిత్రలో చిరస్మరణీయ ఆటగాడిగా నిలిచిన బ్రెజిల్ దిగ్గజం పీలే ధరించిన జెర్సీ రికార్డు స్థాయిలో రూ.47 కోట్లకు వేలంలో అమ్ముడైంది. 1958 ఫిఫా ప్రపంచకప్ ఫైనల్ సందర్భంగా ఆయన ధరించిన ఈ జెర్సీకి ఈ భారీ ధర లభించింది. ఆ ఫైనల్లో పీలే రెండు గోల్స్తో మెరిసి, బ్రెజిల్ 5-2 తేడాతో విజయం సాధించి ప్రపంచకప్ను కైవసం చేసుకోవడంలో కీలక పాత్ర పోషించారు. అప్పటికి ఆయన వయసు కేవలం 17 సంవత్సరాలు మాత్రమే. దీంతో ప్రపంచకప్ ఫైనల్లో గోల్ చేసిన అత్యంత పిన్న వయస్కుడిగా పీలే చరిత్ర సృష్టించారు.
వివరాలు
2022లో కన్నుమూసిన పీలే..
ఇక ప్రపంచకప్ జెర్సీల వేలం చరిత్రలో అత్యధిక ధరకు అమ్ముడైన జెర్సీగా డీగో మారడోనా 1986 ప్రపంచకప్లో ధరించిన 'హ్యాండ్ ఆఫ్ గాడ్' జెర్సీ నిలిచింది.
అది 2022లో సుమారు రూ.89 కోట్లకు విక్రయించబడింది. పీలే జెర్సీ ఇప్పుడు ఆ రికార్డు తర్వాత రెండో అత్యధిక ధర పలికిన జెర్సీగా నిలిచింది.
ఫుట్బాల్ ప్రపంచాన్ని తన ఆటతో మంత్రముగ్ధులను చేసిన పీలే 2022లో కన్నుమూశారు.