IPL 2025: ధోనికి ప్లేయర్ ఆఫ్ ది మ్యాచ్.. శివం దూబేను మరిచారా?
ఈ వార్తాకథనం ఏంటి
ఐపీఎల్ 2025లో చెన్నై సూపర్ కింగ్స్ జట్టు తిరిగి గెలుపు బాటలోకి వస్తోంది. మహేంద్ర సింగ్ ధోని నాయకత్వంలో జట్టు శక్తివంతంగా పునరాగమనం చేస్తోంది.
లీగ్‌లో 30వ మ్యాచ్ సందర్భంగా చెన్నై సూపర్ కింగ్స్, లక్నో సూపర్ జెయింట్స్‌తో తలపడింది. ఈ మ్యాచ్లో సీఎస్కే 5 వికెట్ల తేడాతో విజయం సాధించింది.
ఈ విజయంతో సీఎస్కే 7 మ్యాచ్‌లలో రెండో గెలుపును నమోదు చేసింది. ఈ మ్యాచ్లో కెప్టెన్ ఎంఎస్ ధోని ముఖ్యపాత్ర పోషించాడు.
11 బంతుల్లో 26 పరుగులు చేసి జట్టును విజయ తీరానికి చేర్చిన ధోనిని ప్లేయర్ ఆఫ్ ది మ్యాచ్‌గా ప్రకటించారు. అయితే ప్లేయర్ ఆఫ్ ది మ్యాచ్ ఎంపికపై కొన్ని ప్రశ్నలు వెలువడుతున్నాయి.
Details
43 పరుగులు చేసిన దూబే
ప్లేయర్ ఆఫ్ ది మ్యాచ్ రేసులో ధోనితో పాటు లక్నో కెప్టెన్ రిషబ్ పంత్, సీఎస్కే ఆటగాడు శివం దూబే కూడా ఉన్నారు. సాధారణంగా విజయం సాధించిన జట్టు నుంచే ఈ పురస్కారాన్ని ఎంపిక చేస్తారు.
ఈ నేపథ్యంలో లక్నో ఓటమిపాలవడంతో పంత్ ఎంపిక కాకపోవడం సహజం. కానీ శివం దూబేకు ఈసారి అన్యాయం జరిగిందని పలువురు అభిప్రాయపడుతున్నారు.
శివం దూబే మ్యాచ్లో కీలక ఇన్నింగ్స్ ఆడాడు. జట్టు 76 పరుగుల వద్ద 3 వికెట్లు కోల్పోయిన క్లిష్ట సమయంలో అతను క్రీజులోకి వచ్చాడు.
జడేజా, విజయ్ శంకర్ లు నిరాశపర్చిన వేళ శివం దూబే 37 బంతుల్లో అజేయంగా 43 పరుగులు చేశాడు.
Details
సరైన గుర్తింపు రాలేదని విమర్శలు
దూబే తన బ్యాటింగ్‌తో సీఎస్కేను తిరిగి గేమ్‌లోకి తీసుకువచ్చాడు. ధోని మరోవైపు బౌలింగ్ ఆఖరి దశలో రన్‌రేట్ తగ్గించడంతో పాటు వికెట్ కీపింగ్‌లో అద్భుతంగా రాణించాడు.
కొన్ని క్యాచ్‌లు పట్టడం, స్టంపింగ్‌లు చేయడం, రనౌట్‌లు చేయడం వంటివి చేసిన ధోనిని ఈ కారణంగా ప్లేయర్ ఆఫ్ ది మ్యాచ్‌గా ఎంపిక చేసి ఉండవచ్చని తెలుస్తోంది.
మ్యాచ్లో ఫినిషింగ్ టచ్‌తో పాటు కీపింగ్‌ సామర్థ్యాన్ని దృష్టిలో ఉంచుకొని ధోనికి ఈ గౌరవం దక్కిందన్న అభిప్రాయం ఉంది.
అయితే శివం దూబే సమర్ధతపూరిత ప్రదర్శనకు సరైన గుర్తింపు రాలేదనే విమర్శలు సోషల్ మీడియాలో వినిపిస్తున్నాయి.