Rachin Ravindra : సెంచరీలతో మోత మోగిస్తున్న రచిన్ రవీంద్ర.. అతడి ప్రియురాలి పోస్ట్ వైరల్!
వన్డే వరల్డ్ కప్ 2023 టోర్నీలో న్యూజిలాండ్ ఆల్ రౌండర్ రచిన్ రవీంద్ర పేరు మారుమోగిపోతోంది. ఈ 23ఏళ్ల ఆటగాడు ఈ టోర్నీలో సెంచరీల మోత మోగిస్తూ అందరి దృష్టిని ఆకర్షిస్తున్నాడు. శనివారం ధర్మశాల వేదికగా ఆస్ట్రేలియాతో జరిగిన మ్యాచులో రచిన్ శతకంతో విజృంభించాడు. ఇక గతంలో ఇంగ్లండ్‌తో జరిగిన మ్యాచులోనూ రచిన్ సెంచరీ బాదిన సంగతి తెలిసిందే. దీంతో ఈ మెగా టోర్నీలో అతడు రెండు సెంచరీలను బాదాడు. ఆస్ట్రేలియాపై సెంచరీ చేసిన తర్వాత అతని ప్రియురాలు ప్రమీలా మోరార్ సోషల్ మీడియాలో ఆసక్తికర పోస్టు చేసింది. ప్రస్తుతం ఈ పోస్టు వైరల్‌గా మారింది.
ప్రమీలాతో రిలేషిన్ షిప్ లో ఉన్న రచిన్ రవీంద్ర
రచిన్ రవీంద్ర సంకల్పం, కృషి, ఆట పట్ల ఎంతో ప్రేమ ఉందని, ఎల్లప్పుడు అతనికి తన ప్రేమ మద్దతు ఉంటుందని ప్రమీలా మోరార్ పేర్కొన్నారు. తన భాగస్వామి సాధించిన విజయాన్ని సంబరాలు చేసుకునేందుకు హత్తుకొనే పోస్టును ఇన్ స్టాగ్రామ్ స్టోరిస్‌లో ఆమె షేర్ చేయడం విశేషం. ఇక ఆక్లాండ్‌లో జన్మించిన ప్రమీలా మూడేళ్లుగా రచిన్ రవీంద్ర తో రిలేషన్ షిప్ ఉంది. ఇదిలా ఉండగా, ఈ టోర్నీలో రెండో సెంచరీ చేసి సచిన్ టెండూల్కర్ రికార్డును రచిన్ రవీంద్ర బ్రేక్ చేశాడు. 24 ఏళ్ల నిండకనే రెండు శతకాలు బాదిన రెండో ఆటగాడిగా రచిన్ రికార్డుకెక్కాడు.
