IND vs PAK: భారత్-పాక్ హై ఓల్టేట్ మ్యాచుకు రైల్వే శాఖ కీలక నిర్ణయం
ఈ వార్తాకథనం ఏంటి
వన్డే వరల్డ్ కప్ 2023 సమరం ప్రారంభమైంది. ఇక భారత్-పాక్ మ్యాచు కోసం కోసం ఎంతగానో ఎదురుచూస్తున్న క్రికెట్ ఫ్యాన్స్‌కు రైల్వే శాఖ శుభవార్త చెప్పింది.
ఇరు జట్ల మధ్య పోరు ఈనెల 14న అహ్మదాబాద్ వేదికగా జరగనుంది.
ఈ నేపథ్యంలో ఆ రోజున ఆహ్మదాబాద్‌కు వివిధ ప్రాంతాల నుంచి వందే భారత్ ప్రత్యేక రైళ్లను నడపనున్నట్లు రైల్వే శాఖ స్పష్టం చేసింది.
అహ్మదాబాద్‌లో ఈ మ్యాచు కోసం బుకింగ్స్ ప్రారంభించిన కొద్దిసేపటికే టికెట్లు మొత్తం ఖాళీ అయ్యాయి.
12, 13, 14 తేదీల్లో విమానాల ఛార్జీలు పెంచేశారు.
ఈ మ్యాచును తిలకించడానికి దాదాపు లక్షమంది అభిమానులు స్టేడియానికి తరలి రానున్నారు.
Details
మధ్యప్రదేశ్, రాజస్థాన్, మహరాష్ట్రాల నుంచి ప్రత్యేక రైళ్లు
టీమిండియా-పాకిస్థాన్ మ్యాచ్ జరిగే రోజున మధ్యప్రదేశ్, రాజస్థాన్, మహారాష్ట్రాల నుంచి అహ్మదాబాద్‌కు ప్రత్యేక వందే భారత్ రైళ్లను నడపనున్నారు.
త్వరలోనే రైళ్ల షెడ్యూల్, టికెట్ ధరలను వెల్లడించనున్నారు.
విమాన టికెట్ల నుంచి ఉపశమనం కలిగించేందుకు ఈ నిర్ణయం తీసుకున్నట్లు రైల్వే ఉన్నాతాధికారి ఒకరు చెప్పారు.
మ్యాచ్ మొదలయ్యే కొన్ని గంటలకు ప్రత్యేక రైళ్లు సబర్మతీ, అహ్మదాబాద్ స్టేషన్లకు చేరుకుంటాయి.
ఇక మ్యాచ్ ముగిసిన కొన్ని గంటల తర్వాత ఈ రైళ్లు అహ్మదాబాద్ నుంచి తిరిగి బయల్దేరుతాయి.
దీంతో క్రికెట్ అభిమానులు అదే రోజు తిరిగి తమ గమ్యస్థానాలకు చేరుకొనే అవకాశం ఉంటుంది.